એસ. એસ. રાજામૌલીએ કહ્યું હતું કે પ્રભાસની સામે હૃતિક રોશન કાંઈ નથી
હૃતિક રોશન (ફાઇલ તસવીર)
એસ. એસ. રાજામૌલીનો એક જૂનો વિડિયો સોશ્યલ મીડિયામાં વાઇરલ થયો છે, જેમાં તેમણે કહ્યું હતું કે પ્રભાસની સામે હૃતિક રોશન કાંઈ નથી. એથી હવે તેમને પોતાની ભૂલ સમજાતાં જણાવ્યું કે મારા શબ્દોની પસંદગી યોગ્ય નહોતી. તેમના આવા જવાબથી તેમના ફૅન્સ પણ તેમની પ્રશંસા કરી રહ્યા છે કે તેમણે સ્પષ્ટ રીતે પોતાની ભૂલ સ્વીકારી લીધી. પોતે કરેલી કમેન્ટ વિશે એસ. એસ. રાજામૌલીએ કહ્યું કે ‘આ વાત ખૂબ જૂની છે. કદાચ ૧૫-૧૬ વર્ષ જૂની છે. હા, મારા શબ્દોની પસંદગી સારી નહોતી એ વાતનો હું સ્વીકાર કરું છું. મારો ઇરાદો તેનું અપમાન કરવાનો જરાય નહોતો. હું તેને ખૂબ માન આપું છું.’
