તેમણે અગાઉ ‘ધ લંચબોક્સ’માં સાથે કામ કર્યું હતું.
કરણ જોહર
કરણ જોહર હવે ઑસ્કર વિનર પ્રોડ્યુસર ગુનીત મોન્ગા સાથે કામ કરવા જઈ રહ્યો છે. તેઓ હવે બન્ને સાથે મળીને સ્ક્રીન પર એકદમ યુનિક સ્ટોરી લાવવાની તૈયારી કરી રહ્યાં છે. ગુનીત તેની અલગ સ્ટોરી માટે જાણીતી છે. કરણ તેની અલ્ટ્રા-હાઈ ક્લાસ ફૅમિલીને સ્ક્રીન પર દેખાડવા માટે જાણીતો છે. આથી હવે તેઓ બન્ને સાથે મળીને અલગ સ્ટોરી લાવવાની કોશિશ કરી રહ્યાં છે. તેઓ હવે ફિલ્મો અને ડિજિટલ પ્રોજેક્ટ પર પણ સાથે કામ કરી રહ્યાં છે. એક નહીં પણ ઘણી સ્ટોરીઝ સાથે મળીને તેઓ પ્રોડ્યુસ કરશે. તેમણે અગાઉ ‘ધ લંચબોક્સ’માં સાથે કામ કર્યું હતું. આ ફિલ્મને ધર્મા પ્રોડક્શન દ્વારા પ્રેઝન્ટ કરવામાં આવી હતી. આ વિશે કરણ જોહરે કહ્યું કે ‘અમે ગુનીત મોન્ગાના સિખ્યા એન્ટરટેઇનમેન્ટ સાથે કામ કરવા માટે ખૂબ જ ઉત્સાહિત છીએ. એક ફિલ્મમેકર તરીકે હું હંમેશાંથી સ્ટોરી ટેલિંગના પાવરમાં વિશ્વાસ કરતો આવ્યો છું જે લોકોને પ્રેરિત અને એન્ટરટેઇન કરે. આ કોલૅબરેશન દ્વારા અમે અમારા પૅશન દ્વારા અલગ પ્રકારની સ્ટોરી લાવવાની કોશિશ કરીશું જે લોકો સાથે કનેક્ટ થાય. અમે બન્ને અલગ-અલગ પ્રકારની સ્ટોરી બનાવવા માટે જાણીતાં છીએ આથી અમારો આ એક યુનિક બૉન્ડ છે.’
