Gujarati Mid-day
Happiest Places to Work

ઇ-પેપર

વેબસ્ટોરીઝ

વેબસ્ટોરીઝ

બ્રેકિંગ સમાચાર

App banner App banner
હોમ > મનોરંજન > બૉલિવૂડ સમાચાર > આર્ટિકલ્સ > કંગના વિરુદ્ધ ક્રાઇમ બ્રાન્ચમાં સ્ટેટમેન્ટ રેકૉર્ડ કરાવ્યું હૃતિકે

કંગના વિરુદ્ધ ક્રાઇમ બ્રાન્ચમાં સ્ટેટમેન્ટ રેકૉર્ડ કરાવ્યું હૃતિકે

Published : 28 February, 2021 03:44 PM | IST | Mumbai
Gujarati Mid-day Correspondent | feedbackgmd@mid-day.com

કંગના વિરુદ્ધ ક્રાઇમ બ્રાન્ચમાં સ્ટેટમેન્ટ રેકૉર્ડ કરાવ્યું હૃતિકે

હૃતિક રોશન

હૃતિક રોશન


હૃતિક રોશને ગઈ કાલે મુંબઈ ક્રાઇમ બ્રાન્ચમાં કંગના રનોટ વિરુદ્ધ સ્ટેટમેન્ટ રેકૉર્ડ કરાવ્યું હતું. તેનો વિડિયો પણ વાઇરલ થયો છે જેમાં તે તેની કારમાંથી બહાર નીકળીને ક્રાઇમ બ્રાન્ચની ઑફિસમાં જઈ રહ્યો છે. તે કૅપ અને માસ્ક સાથે જોવા મળ્યો હતો. તેણે ત્યાં હાજર મીડિયા સાથે વાત કરવાનું ટાળ્યું હતું. છેલ્લાં ઘણાં વર્ષથી ઈ-મેઇલને લઈને ચાલી રહેલા કેસમાં હૃતિકે સ્ટેટમેન્ટ નોંધાવ્યું હતું. કંગનાનો આરોપ હતો કે હૃતિક તેની સાથે ઈ-મેઇલ દ્વારા વાત કરતો હતો. જોકે હૃતિકનું કહેવું છે કે મેં કોઈ દિવસ તેને ઈ-મેઇલ નથી કરી. કોઈક વ્યક્તિ મારા નામનો ઉપયોગ કરીને તેની સાથે વાત કરી રહ્યો હતો.


દુનિયા ક્યાંની ક્યાં પહોંચી ગઈ, પણ મારો સિલી એક્સ ત્યાં જ છે: કંગના



કંગના રનોટે હાલમાં તેના કહેવાતા એક્સ-બૉયફ્રેન્ડ હૃતિક રોશનની ઠેકડી ઉડાડી છે. હૃતિક મુંબઈ ક્રાઇમ બ્રાન્ચમાં સ્ટેટમેન્ટ રેકૉર્ડ કરાવવા જશે એ સમાચાર આવતાં કંગનાએ ટ્વીટ કર્યું હતું કે ‘દુનિયા કહાં સે કહાં પહોંચ ગયી, મગર મેરા સિલી એક્સ અભી ભી વહીં હૈ, ઉસી મોડ પે જહાં યે વક્ત દોબારા લૌટ કે નહીં જાનેવાલા.’


ટ્‌વિટર મને આડકતરી રીતે બૅન કરી રહ્યું છે : કંગના

કંગના રનોટનું કહેવું છે કે ટ્‌વિટર મને આડકતરી રીતે બૅન કરી રહ્યું છે. કંગના તેના વિચાર મુક્તપણે રજૂ કરે છે અને એથી જ તે ગમે તેવી ભાષાનો પણ ઉપયોગ કરે છે. આ કારણસર તેની ટ્વીટને ઘણી વાર ડિલીટ પણ કવામાં આવી છે. આથી કંગનાએ ટ્વીટ કર્યું હતું કે ‘મને આડકતરી રીતે બૅન કરવામાં આવી રહી છે, કારણ કે ચાચા જૅક અને ફ્રી સ્પીચને પ્રમોટ કરતી તેની ટીમ ટ્‍‌વિટર મારાથી ડરે છે. તેઓ મને સસ્પેન્ડ નથી કરી શકતા, પરંતુ દરરોજ એક્સપોઝ પણ નથી કરવા દેતા. હું અહીં ફૉલોઅર્સ વધારવા કે પછી મારી જાતને પ્રમોટ કરવા નથી આવી. હું અહીં મારા દેશ માટે છું અને એ તેમને ગમતું નથી.’


Whatsapp-channel Whatsapp-channel

28 February, 2021 03:44 PM IST | Mumbai | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK
News Hub