કંગના રનૌતે આખરે તેની વિવાદાસ્પદ ફિલ્મ ‘ઇમર્જન્સી’ની રિલીઝ-ડેટ જાહેર કરી છે. કેટલાંય વિઘ્નો પછી આ ફિલ્મ હવે ૧૭ જાન્યુઆરીએ થિયેટરોમાં રિલીઝ થશે
ફિલ્મ ‘ઇમર્જન્સી’નું પોસ્ટર
કંગના રનૌતે આખરે તેની વિવાદાસ્પદ ફિલ્મ ‘ઇમર્જન્સી’ની રિલીઝ-ડેટ જાહેર કરી છે. કેટલાંય વિઘ્નો પછી આ ફિલ્મ હવે ૧૭ જાન્યુઆરીએ થિયેટરોમાં રિલીઝ થશે. આ ફિલ્મમાં કંગનાએ સૂચવવામાં આવેલા ફેરફાર કર્યા એ પછી એકાદ મહિના પહેલાં સેન્સર બોર્ડનું સર્ટિફિકેટ મળ્યું હતું. આ ફિલ્મ સામે સિખ સમુદાયે વાંધો ઉપાડ્યો હતો. આ ફિલ્મ તત્કાલીન વડાં પ્રધાન ઇન્દિરા ગાંધીએ ૧૯૭૫માં દેશ પર લાદેલી કટોકટી પર આધારિત છે. ફિલ્મની રિલીઝ-ડેટની જાહેરાત કરતી વખતે કંગનાએ લખ્યું કે આ ફિલ્મમાં દેશનાં સૌથી પાવરફુલ મહિલાની ગાથા છે અને એવી એક ક્ષણની વાત છે જેણે ભારતનું પ્રારબ્ધ બદલી નાખ્યું.
