કંગના રનૌતની નાનીનું નિધન, 100 વર્ષ કરતાં વધુ હતી ઉંમર, અભિનેત્રીએ શૅર કરી તસવીર

Kangana Ranaut’s Grandmother Death: કંગનાની ‘ઈમરજન્સી’ ફિલ્મ ટૂંક સમયમાં રિલીઝ થવાની છે. અભિનેત્રી ટૂંક સમયમાં આ વિવાદાસ્પદ ફિલ્મની અંતિમ રિલીઝ તારીખ જાહેર કરશે. તાજેતરમાં જ તેણે કહ્યું હતું કે તેને સેન્સર બોર્ડ તરફથી લીલી ઝંડી મળી ગઈ છે.

કંગના રનૌતે શૅર કરેલી તસવીર (સૌજન્ય: સેલેબ્સ સોશિયલ મીડિયા)

બૉલિવૂડ અભિનેત્રી કંગના રનૌત નાની ઈન્દ્રાણી ઠાકુરનું (Kangana Ranaut’s Grandmother Death) નિધન થયું છે. આ દુ:ખદ ઘટનાથી તેમના ઘરમાં શોક ફેકયો છે. અભિનેત્રીએ જણાવ્યું કે તેની નાની 100 વર્ષથી વધુ ઉંમરની હતા. તાજેતરમાં જ તેમને બ્રેઈન સ્ટ્રોક આવ્યો હતો. દુઃખ વ્યક્ત કરતા કંગનાએ તેની નાની સાથેની તસવીરો પણ શૅર કરીને જણાવ્યું કે તે કેટલી હિંમતવાન મહિલા હતા. કંગના રનૌતે જણાવ્યું કે શુક્રવારે રાત્રે તેની નાનીનું નિધન થયું હતું. અભિનેત્રીએ તેની સાથે ફોટા પોસ્ટ કર્યા અને તેની સાથે એક ઈમોશનલ નોટ પણ લખી હતી. અભિનેત્રીને ઇન્સ્ટાગ્રામ પર ફોલો કરતા ચાહકો જાણતા હશે કે તે તેની નાનીની ખૂબ જ નજીક હતી અને ઘણીવાર તેની તસવીરો શૅર કરતી હતી.

કંગનાએ લખ્યું કે, `ગઈ રાત્રે મારા નાની ઈન્દ્રાણી ઠાકુરજીનું નિધન થયું. સમગ્ર પરિવાર શોકમાં છે. કૃપા કરીને તેમના માટે પ્રાર્થના કરો. મારી નાની એક અસાધારણ મહિલા હતી, તેમને પાંચ બાળકો હતા. નાના પાસે મર્યાદિત સંસાધનો હતા, તેમ છતાં તેમણે તેમના તમામ બાળકોને સારી સંસ્થાઓમાં (Kangana Ranaut’s Grandmother Death) ઉચ્ચ શિક્ષણ આપ્યું. તેમનો આગ્રહ હતો કે તેમની પરિણીત દીકરીઓએ પણ નોકરી કરવી જોઈએ અને તેમની કારકિર્દી બનાવવી જોઈએ. તેમની દીકરીઓને સરકારી નોકરી મળી, જે તે સમયે ખૂબ જ મુશ્કેલ બાબત હતી. તેના તમામ બાળકોની પોતાની કારકિર્દી હતી, તેને તેના બાળકોની કારકિર્દી પર ખૂબ ગર્વ હતો.

ADVERTISEMENT

કંગનીએ આગળ લખ્યું- અમે અમારી નાનીના ખૂબ આભારી છીએ. મારી નાની 5 ફૂટ 8 ઇંચ ઉંચી હતી, જે પહાડી મહિલા માટે ખૂબ જ દુર્લભ છે. મને તેની ઊંચાઈ, તેનું સ્વાસ્થ્ય અને ચયાપચય વારસામાં મળ્યું છે. મારા નાની એટલા સ્વસ્થ અને જીવંત હતા કે 100 વર્ષથી વધુ ઉંમરના હોવા છતાં, તેઓ તેમના તમામ કામ જાતે જ કરતા હતા.

કંગનાએ (Kangana Ranaut’s Grandmother Death) આગળ જણાવ્યું કે કેવી રીતે તેની નાનીનું મૃત્યુ થયું. અભિનેત્રીએ લખ્યું - થોડા દિવસો પહેલા જ નાની પોતાનો રૂમ સાફ કરી રહી હતી અને પછી તેમને બ્રેઈન સ્ટ્રોક આવ્યો. તે અચાનક પથારી પર આવી અને તે તેના માટે ખૂબ જ પીડાદાયક હતું. તેણે અદ્ભુત જીવન જીવ્યું અને દરેક માટે પ્રેરણા બની. તે હંમેશા આપણા ડીએનએ અને આપણા દેખાવમાં રહેશે. તેને હંમેશા યાદ કરવામાં આવશે.

તમને જણાવી દઈએ કે, કંગનાની માતા આશા રનૌત (Kangana Ranaut’s Grandmother Death) સરકારી શાળાની શિક્ષિકા છે. જ્યારે પિતા વેપાર અને ખેતી કરે છે. વર્ક ફ્રન્ટની વાત કરીએ તો કંગનાની ‘ઈમરજન્સી’ ફિલ્મ ટૂંક સમયમાં રિલીઝ થવાની છે. અભિનેત્રી ટૂંક સમયમાં આ વિવાદાસ્પદ ફિલ્મની અંતિમ રિલીઝ તારીખ જાહેર કરશે. તાજેતરમાં જ તેણે કહ્યું હતું કે તેને સેન્સર બોર્ડ તરફથી લીલી ઝંડી મળી ગઈ છે.