હૃતિકના ઘરે જઈને તેની ફૅમિલી સાથે વિતાવેલો સમય પૉપસિંગરે પણ સોશ્યલ મીડિયામાં શૅર કર્યો હતો
K-પૉપસ્ટાર જૅક્સન વૉન્ગ માટે પાર્ટી હોસ્ટ કરી હૃતિક રોશને
K-પૉપસ્ટાર જૅક્સન વૉન્ગ બન્યો હૃતિક રોશનનો મહેમાન. એ વખતે હૃતિકના ડૅડી રાકેશ રોશન અને મમ્મી પિન્કી રોશન પણ હાજર હતાં. જૅક્સન વૉન્ગે મુંબઈમાં આયોજિત મ્યુઝિક ફેસ્ટિવલમાં પર્ફોર્મ કર્યું હતું. એ ફેસ્ટિવલમાં હૃતિકની ગર્લફ્રેન્ડ સબા આઝાદે પણ પર્ફોર્મ કર્યું હતું. હૃતિકના ઘરે જઈને તેની ફૅમિલી સાથે વિતાવેલો સમય પૉપસિંગરે પણ સોશ્યલ મીડિયામાં શૅર કર્યો હતો. તેને માટે ભારત આવવાનો અનુભવ યાદગાર રહ્યો અને તે જલદી પાછો આવવા માગે છે. જૅક્સન સાથેનો ફોટો ઇન્સ્ટાગ્રામ પર શૅર કરીને પિન્કી રોશને કૅપ્શન આપી હતી, ‘જૅક્સન વૉન્ગ સાથે પસાર કરેલો સમય યાદગાર રહ્યો. આ અદ્ભુત ટૅલન્ટેડ યુવાને પોતાની સંસ્કૃતિને જાળવી રાખી છે. તેની પાસેથી મળેલો ઉમળકો, પ્રેમ, માન, માનવતા, વિનમ્ર છે. આવી ક્વૉલિટી ખૂબ ઓછા લોકોમાં જોવા મળે છે. તેની સાથે તરત લગાવ થઈ ગયો. ગૉડ બ્લેસ યુ જૅક્સન. અમારા પરિવારમાં તારું સ્વાગત છે. સાથે જ અમારી હાઉસહેલ્પ સાથે ફોટો ક્લિક કરવાની પણ તેને ખુશી હતી.’
દિશા પટણીએ જૅક્સન વૉન્ગને કરાવ્યાં મુંબઈ દર્શન
ADVERTISEMENT
હૃતિક રોશનની મહેમાનનવાજી બાદ K-પૉપસ્ટાર જૅક્સન વૉન્ગ મુંબઈની સફરે દિશા પટણી સાથે ઊપડી ગયો હતો. મુંબઈમાં આયોજિત મ્યુઝિક ફેસ્ટિવલમાં હાજરી આપવા જૅક્સન આવ્યો હતો. તેણે પોતાના પર્ફોર્મન્સથી લોકોને ઘેલા કર્યા હતા. દિશા તેની ફૅન છે. મુંબઈ દર્શનની નાનકડી ક્લિપ દિશાએ ઇન્સ્ટાગ્રામ પર શૅર કરી હતી. એમાં દિશાએ જીન્સ પર વાઇટ ક્રૉપ ટૉપ પહેર્યું છે, તો જૅક્સન કલરફુલ શર્ટમાં દેખાયો હતો. વિડિયો જોઈને લાગે છે કે જૅક્સનને મુંબઈ ગમી ગયું છે.
