જવાનનું પહેલું ગીત ઝિંદા બંદા રિલીઝ: શાહરૂખ ખાને સાઉથ સ્ટાઈલમાં કર્યો ડાન્સ

શાહરૂખ ખાને (Shah Rukh Khan) આજે એટલે કે 31મી જુલાઈએ પોતાના ચાહકોને એક ખાસ ભેટ આપી છે. આજે કિંગ ખાનની બહુપ્રતિક્ષિત ફિલ્મ જવાનનું પહેલું ગીત રિલીઝ થઈ ગયું છે

ફાઇલ તસવીર

શાહરૂખ ખાને (Shah Rukh Khan) આજે એટલે કે 31મી જુલાઈએ પોતાના ચાહકોને એક ખાસ ભેટ આપી છે. આજે કિંગ ખાનની બહુપ્રતિક્ષિત ફિલ્મ જવાનનું પહેલું ગીત રિલીઝ થઈ ગયું છે. આ ગીતનું નામ છે ‘જિંદા બંદા’ (Zinda Banda) છે. તે માત્ર હિન્દીમાં જ નહીં, પરંતુ તેના તમિલ અને તેલુગુ વર્ઝન પણ રિલીઝ થશે. આ ગીત બાદ શાહરૂખ ખાનના ફેન્સ ખૂબ જ ઉત્સાહિત છે કારણ કે આ ગીતમાં શાહરૂખના પાત્રનો બીજો રંગ જોવા મળ્યો છે. આ પહેલા રિલીઝ થયેલા વીડિયોમાં શાહરૂખે આખરે પોતાને વિલન ગણાવ્યો હતો.

સાઉથના ડિરેક્ટર એટલાના નિર્દેશનમાં બની રહેલી આ ફિલ્મમાં કિંગ ખાન ફુલ એક્શન અવતારમાં જોવા મળી રહ્યો છે. એક્શન સિવાય આ તેની કારકિર્દીનું અત્યાર સુધીનું સૌથી અનોખું પાત્ર માનવામાં આવે છે. કરિયરની શરૂઆતમાં કિંગ ખાને ડર અને બાઝીગર જેવી ફિલ્મોમાં ગ્રે કેરેક્ટર કર્યા હતા, પરંતુ `જવાન` (Jawan)માં તે કેવા રંગ બતાવવાનો છે તે હજુ સ્પષ્ટ નથી.

ADVERTISEMENT

ટીમ જવાનનો ભાગ કોણ છે?

ટીમ જવાનની વાત કરીએ તો શાહરૂખ ખાન સિવાય સાઉથ સ્ટાર નયનતારા, વિજય સેતુપતિ, સાન્યા મલ્હોત્રા, પ્રિયમણી, યોગી બાબુ સામેલ છે. એકંદરે, આ ફિલ્મમાં સાઉથ સ્ટાર્સ અને હિન્દી ફિલ્મ સ્ટાર્સનો જબરદસ્ત કૉમ્બો છે. આ જ કારણ છે કે આ ફિલ્મનો જેટલો ક્રેઝ હિન્દી બેલ્ટમાં છે તેટલો જ ઉત્તેજના દક્ષિણમાં પણ છે. તેનું એક કારણ એ પણ છે કે નયનતારા પ્રેગ્નન્સી બાદ આ ફિલ્મથી કમબેક કરી રહી છે.

શાહરુખ ખાનની ‘જવાન’ના ગીત ‘ઝિંદા બંદા’ (Zinda banda) માટે એક હજારથી વધુ મહિલાઓનો સમાવેશ કરવામાં આવ્યો હતો. આ એક ગીત માટે ઍટલીએ પંદર કરોડનું બજેટ ફાળવ્યું હતું. આ ફિલ્મને શાહરુખ ખાન દ્વારા પ્રોડ્યુસ કરવામાં આવી છે જેમાં તેની સાથે નયનતારા, વિજય સેતુપતિ, પ્રિયમણિ અને સાન્યા મલ્હોત્રાએ પણ કામ કર્યું છે. ફિલ્મના પ્રિવ્યુમાં દેખાડવામાં આવ્યું છે કે શાહરુખની ટીમમાં મહિલાનો સમાવેશ કરવામાં આવ્યો છે. આથી ગીતમાં પણ મહિલાઓ જ હોય એ સ્વાભાવિક છે.

આ ફિલ્મનું મ્યુઝિક અનિરુદ્ધ દ્વારા આપવામાં આવ્યું છે. અનિરુદ્ધે અત્યાર સુધીમાં ‘વાથી કોમિંગ’, ‘અરેબિક કુતુ’ અને ‘વિક્રમ’નું રેકૉર્ડ બ્રેકિંગ આલબમ આપ્યાં છે. ‘ઝિંદા બંદા’ને કોરિયોગ્રાફ શોબી દ્વારા કરવામાં આવ્યું છે. ‘જવાન’ના પ્રીવ્યુ બાદ ફિલ્મના ગીતની ખૂબ જ રાહ જોવામાં આવી રહી હતી. ‘ધ કિંગ ખાન રૅપ’ને લોકો પસંદ કરી રહ્યા હતા જે રાજા કુમારી દ્વારા ગાવામાં આવ્યું છે. જોકે હવે એનું નવું ગીત લોકોને નચાવવા માટે આવી ગયું છે. આ ફિલ્મમાં દીપિકા પાદુકોણે પણ સ્પેશ્યલ અપીરન્સ આપ્યો છે. રિદ્ધિ ડોગરા, સુનીલ ગ્રોવર અને મુકેશ છાબરા પણ જોવા મળશે.

આ ફિલ્મના ગીત વિશે​ ફિલ્મ સાથે સંકળાયેલા એક જણે કહ્યું કે ‘આ એક મૅસિવ સેલિબ્રેશન નંબર છે. ગીતને પાંચ દિવસ ચેન્નઈમાં શૂટ કરવામાં આવ્યું હતું. ચેન્નઈ, હૈદરાબાદ, બૅન્ગલોર, મદુરાઈ, મુંબઈ અને અન્ય શહેરોની લગભગ એક હજાર મહિલાઓ સાથે એને શૂટ કરવામાં આવ્યું હતું. આ ગીત માટે પંદર કરોડ રૂપિયાનું બજેટ ફાળવવામાં આવ્યું હતું. ‘ઝિંદા બંદા’માં શાહરુખને પહેલાં ક્યારેય ન જોયો હોય એ રીતે એક હજારથી વધુ મહિલાઓ સાથે ડાન્સ કરતો જોઈ શકાશે. અનિરુદ્ધે મ્યુઝિક આપવાની સાથે ગીત પણ ગાયું છે. એની કોરિયોગ્રાફી શોબી દ્વારા કરવામાં આવી છે.’