આજે રિલીઝ થાય છે ઉલઝ
ફિલ્મનું પોસ્ટર
જાહ્નવી કપૂરની ‘ઉલઝ’ આજે રિલીઝ થઈ રહી છે. આ એક જાસૂસી ફિલ્મ છે જેમાં તે ઇન્ડિયન ફૉરેન સર્વિસ ઑફિસર સુહાના ભાટિયાનું પાત્ર ભજવી રહી છે. આ જાસૂસી થ્રિલર ફિલ્મને સુધાંશુ સરિયાએ ડિરેક્ટ કરી છે. આ ફિલ્મમાં જાહ્નવીની સાથે ગુલશન દેવૈયા, રોશન મૅથ્યુ, રાજેશ તેલંગ અને આદિલ હુસેન જેવા ઘણા કૅરૅક્ટર ઍક્ટર કામ કરી રહ્યા છે. સુહાના એક એવી ફૅમિલીમાંથી આવે છે જેમાં બધા દેશભક્ત હોય છે. તેમણે દેશ માટે કોઈ ને કોઈ રીતે સેવાનું કામ કર્યું હોય છે. આ બધાની વચ્ચે તે પોતે એક ષડયંત્રનો શિકાર બને છે. તે એને જેટલું ઉકેલવાની કોશિશ કરે છે એટલી જ એમાં ઉલઝતી જાય છે. આ ફિલ્મને ઇન્ડિયા અને લંડનમાં શૂટ કરવામાં આવી છે.
