આ ફિલ્મે સોમવાર સુધીમાં દરેક ભાષામાં ટોટલ ૪૯૩.૨૫ કરોડ રૂપિયાનો બિઝનેસ કર્યો છે.
શૅરોન સ્ટોન
શાહરુખ ખાનનું કહેવું છે કે તે શૅરોન સ્ટોનનો ખૂબ જ મોટો ફૅન છે. તેની ‘પઠાન’ હજી પણ બૉક્સ-ઑફિસ પર ખૂબ જ સારો બિઝનેસ કરી રહી છે. આ ફિલ્મે સોમવાર સુધીમાં દરેક ભાષામાં ટોટલ ૪૯૩.૨૫ કરોડ રૂપિયાનો બિઝનેસ કર્યો છે. તે ગઈ કાલે સોશ્યલ મીડિયામાં તેના ફૅન્સ સાથે વાતચીત કરી રહ્યો હતો. આ દરમ્યાન એક ચાહકે એક વિડિયો શૅર કર્યો હતો. આ વિડિયોમાં શૅરોન સ્ટોન શાહરુખ તરફ આવીને તેને નમસ્તે કરતી જોવા મળી રહી છે. આ વિડિયો શૅર કરીને ચાહકે એ અનુભવ કેવો રહ્યો હતો એ વિશે પૂછ્યું હતું. આ વિશે શાહરુખે જવાબ આપ્યો હતો કે ‘શૅરોનને ખબર નહીં હોય, પરંતુ હું તેનો ખૂબ જ મોટો ફૅન છું. તે ખૂબ જ સુંદર અને ઇન્ટેલિજન્ટ મહિલા છે.’
