હૉરર ફિલ્મોના જોનરમાં આટલાં વર્ષોમાં ખૂબ પરિવર્તન આવ્યું હોવાનું અવિકા ગોરનું માનવું છે.
A_d.jpg)
અવિકા ગોર
હૉરર ફિલ્મોના જોનરમાં આટલાં વર્ષોમાં ખૂબ પરિવર્તન આવ્યું હોવાનું અવિકા ગોરનું માનવું છે. તે ‘1920-હૉરર્સ ઑફ ધ હાર્ટ’માં જોવા મળી રહી છે. ડિઝની+હૉટસ્ટાર પર આ ફિલ્મ સ્ટ્રીમ થઈ રહી છે. આ ફિલ્મમાં તેની સાથે રાહુલ દેવ, બરખા બિશ્ત, કેતકી કુલકર્ણી અને અમિત બહલ પણ જોવા મળે છે. આ ફિલ્મને ક્રિષ્ના ભટ્ટે ડિરેક્ટ કરી છે અને વિક્રમ ભટ્ટે પ્રોડ્યુસ કરી છે. આ ફિલ્મ વિશે અવિકાએ કહ્યું કે ‘આ ફિલ્મમાં મેઘનાનો રોલ ભજવવો એ મારા માટે મારી બાઉન્ડરીઝને આગળ ધકેલવા જેવું હતું. મને હૉરર ફિલ્મો ગમે છે અને આટલાં વર્ષોમાં એનો ખૂબ વિકાસ થયો છે. હું ‘1920’ની ફ્રૅન્ચાઇઝીના ફૅન- ફૉલોઇંગ વિશે અવગત છું. એની સાથે જે પ્રેશર છે એ પણ હું જાણું છું, પરંતુ હું હંમેશાં ચૅલેન્જ લેવા માટે તૈયાર છું. મહેશ ભટ્ટ, વિક્રમ ભટ્ટ અને ક્રિષ્ના ભટ્ટ સાથે કામ કરવાની તક મળી એ માટે હું આભારી છું.’
