ની પહેલી ફિલ્મ ફ્લોપ થયા બાદ અભિનેતા બેરોજગાર થઈ ગયો, પરંતુ તે પછી પણ તેણે સતત મહેનત કરીને આગળ વધવાનું ચાલુ રાખ્યું.
અરશદ વારસી
મુંબઈ: બૉલિવૂડના પ્રખ્યાત અભિનેતા અરશદ વારસી(Arshad warsi Birthday) દર વર્ષે 19મી એપ્રિલે પોતાનો જન્મદિવસ ઉજવે છે. વર્ષ 1968માં મુંબઈમાં જન્મેલા અરશદ વારસીએ આજે ઈન્ડસ્ટ્રીમાં એક અલગ જ ઓળખ બનાવી છે. જોકે, અભિનેતાને આ સ્થાન સુધી પહોંચવા માટે ઘણો સંઘર્ષ કરવો પડ્યો હતો. તેની પહેલી ફિલ્મ ફ્લોપ થયા બાદ અભિનેતા બેરોજગાર થઈ ગયો, પરંતુ તે પછી પણ તેણે સતત મહેનત કરીને આગળ વધવાનું ચાલુ રાખ્યું. અરશદ વારસીના જન્મદિવસ પર જાણો તેમની ફિલ્મી સફર વિશે.
ADVERTISEMENT
અરશદ વારસીએ 1996માં આવેલી ફિલ્મ `તેરે મેરે સપને`થી પોતાની એક્ટિંગ કરિયરની શરૂઆત કરી હતી. ફિલ્મ તેરે મેરે સપને એક્ટર અમિતાભ બચ્ચનના પ્રોડક્શન હાઉસ એબીસીએલના બેનર હેઠળ બનાવવામાં આવી હતી, પરંતુ આ ફિલ્મ બોક્સ ઓફિસ પર કંઈ કમાલ બતાવી શકી ન હતી. પહેલી ફિલ્મ ફ્લોપ થયા બાદ અભિનેતાને ઘણો સંઘર્ષ કરવો પડ્યો હતો.
ફિલ્મ ફ્લોપ થયા બાદ અભિનેતાને લાંબા સમય સુધી કોઈ કામ મળ્યું ન હતું. અભિનેતાના જીવનમાં એક એવો તબક્કો આવ્યો જ્યારે તે કામની શોધમાં ત્રણ વર્ષ સુધી ભટકતો રહ્યો. અભિનેતાની પત્ની મારિયા ગોરેટીએ આ મુશ્કેલ સમયમાં તેમનો સાથ આપ્યો. આ વાત ખુદ અભિનેતાએ પોતાની ફિલ્મ ઈડાસાના પ્રમોશન દરમિયાન જણાવી હતી. સંઘર્ષના દિવસોમાં પત્ની મારિયા નોકરી કરતી હતી અને તેના પગારથી ઘર ચલાવતી હતી.
જોકે સંઘર્ષ બાદ અરશદ વારસીએ ઘણી ફિલ્મો દ્વારા લોકોના દિલ જીતી લીધા હતા. અભિનેતા ઘણી ફિલ્મોમાં જોવા મળ્યો હોવા છતાં, તેને 2003ની ફિલ્મ મુન્નાભાઈ MBBS થી ઓળખ મળી. આ ફિલ્મમાં તેનું સર્કિટનું પાત્ર આજે પણ દર્શકોને ખૂબ જ પસંદ આવે છે. રાજકુમાર હિરાની દ્વારા નિર્દેશિત આ ફિલ્મમાં અરશદ વારસી સાથે સંજય દત્ત પણ જોવા મળ્યો હતો.
આ ફિલ્મ પછી તેણે એકથી વધુ ફિલ્મોમાં પોતાના અભિનયથી દર્શકોના દિલ જીતી લીધા. અરશદ તેના જોરદાર અભિનયથી દર્શકોમાં લોકપ્રિય થતો રહ્યો. મુન્નાભાઈ MBBS ઉપરાંત તેઓ ગોલમાલ સિરીઝ, ધમાલ, જોલી એલએલબી, ઈશ્કિયા ઔર દેઢ ઈશ્કિયા અને તાજેતરની ફિલ્મ બચ્ચન પાંડેમાં દેખાયા હતા.
