પરિણીતી ચોપડા આમ આદમી પાર્ટીના રાજ્યસભા સંસદસભ્ય રાઘવ ચઢ્ઢા સાથે ટૂંક સમયમાં લગ્ન કરવાની છે એ વાતની પુષ્ટિ હાર્ડી સંધુએ કરી છે
શાદી પક્કી હૈ?
પરિણીતી ચોપડા આમ આદમી પાર્ટીના રાજ્યસભા સંસદસભ્ય રાઘવ ચઢ્ઢા સાથે ટૂંક સમયમાં લગ્ન કરવાની છે એ વાતની પુષ્ટિ હાર્ડી સંધુએ કરી છે. પરિણીતી હાલમાં ફરી રાઘવ સાથે દિલ્હીમાં છે. પરિણીતી અને હાર્ડીએ ‘કોડનેમ : તિરંગા’માં સાથે કામ કર્યું હતું. પરિણીતી અને રાઘવનું રિલેશન ટૉક-ઑફ ધ-ટાઉન છે. બન્નેને તેમનાં લગ્ન વિશે સતત સવાલ પૂછવામાં આવે છે. જોકે તેમનાં લગ્ન વિશે જવાબ આપતાં હાર્ડીએ કહ્યું કે ‘મને એ વાતની ખુશી છે કે ફાઇનલી થઈ રહ્યાં છે. મેં તેને શુભેચ્છા આપી છે. મેં તેને કૉલ કરીને અભિનંદન આપ્યાં છે.’
‘કોડનેમ : તિરંગા’ના સેટ પર પરિણીતી સાથે થતી વાતચીત વિશે હાર્ડીએ કહ્યું કે ‘અમે જ્યારે ‘કોડનેમ : તિરંગા’નું શૂટિંગ કરી રહ્યાં હતાં ત્યારે અમે લગ્ન વિશે ચર્ચા કરતાં હતાં. તે મને કહેતી હતી કે ‘હું ત્યારે જ લગ્ન કરીશ જ્યારે મને યોગ્ય વ્યક્તિ મળશે.’’
