Ground Zero Kashmir Premier: આ ખાસ પ્રસંગે, આ ફિલ્મ સૌપ્રથમ તે સૈનિકો અને સૈન્ય અધિકારીઓને બતાવવામાં આવશે જેઓ સરહદ પર ઉભા રહીને આપણી રક્ષા કરી રહ્યા છે. આ પગલું ફિલ્મના દેશભક્તિના વિષયને સંપૂર્ણ રીતે પ્રતિબિંબિત કરે છે.
‘ગ્રાઉન્ડ ઝીરો’ ફિલ્મનું નવું પોસ્ટર
કાશ્મીરના શ્રીનગરમાં ફિલ્મ `ગ્રાઉન્ડ ઝીરો` ના પ્રીમિયર માટે મેકર્સ ખાસ પ્રયાસ કરી રહ્યા છે. ફિલ્મ સૌપ્રથમ તે બહાદુર સૈનિકો અને સૈન્ય અધિકારીઓને બતાવવામાં આવે જેઓ સીમા પર ઉભા રહીને દેશની રક્ષા કરી રહ્યા છે. એક્સેલ એન્ટરટેઈનમેન્ટની આગામી ઍક્શન થ્રિલર ફિલ્મ ‘ગ્રાઉન્ડ ઝીરો’ માટે ઉત્સાહ દરરોજ વધી રહ્યો છે. ફિલ્મનુ દમદાર ટ્રેલર રિલીઝ થયા પછી, ફિલ્મના નવા પોસ્ટરોએ પણ લોકોની રુચિ વધારી દીધી છે. દરમિયાન, આ ફિલ્મ ઇતિહાસ રચવા જઈ રહી છે, ‘ગ્રાઉન્ડ ઝીરો’ 38 વર્ષ પછી કાશ્મીરના શ્રીનગરમાં રેડ કાર્પેટ પ્રીમિયર થનારી પ્રથમ ફિલ્મ બની શકે છે. આ પ્રીમિયર 18 એપ્રિલના રોજ થશે, અને ચાહકો અને ઉદ્યોગ બન્નેમાં તેના વિશે ભારે ક્રેઝ છે.
18 એપ્રિલના રોજ શ્રીનગરમાં ફિલ્મના રેડ કાર્પેટ પ્રીમિયર સાથે ‘ગ્રાઉન્ડ ઝીરો’ ઇતિહાસ રચવા માટે તૈયાર છે. આશ્ચર્યજનક વાત એ છે કે છેલ્લા 38 વર્ષોથી શ્રીનગરમાં કોઈ ફિલ્મનું પ્રીમિયર થયું નથી, અને હવે ‘ગ્રાઉન્ડ ઝીરો’ પ્રીમિયર થનારી પહેલી ફિલ્મ હશે. આ ખાસ પ્રસંગે, આ ફિલ્મ સૌપ્રથમ તે સૈનિકો અને સૈન્ય અધિકારીઓને બતાવવામાં આવશે જેઓ સરહદ પર ઉભા રહીને આપણી રક્ષા કરી રહ્યા છે. આ પગલું ફક્ત ફિલ્મના દેશભક્તિના વિષયને સંપૂર્ણ રીતે પ્રતિબિંબિત કરતું નથી પણ વાસ્તવિક નાયકોને સાચી શ્રદ્ધાંજલિ પણ છે.
ADVERTISEMENT
‘ગ્રાઉન્ડ ઝીરો’ને દર્શકો તરફથી જબરદસ્ત પ્રેમ મળી રહ્યો છે અને તેની રિલીઝ અંગેનો ઉત્સાહ સ્પષ્ટપણે જોઈ શકાય છે. BSF દ્વારા સમર્થિત આ ફિલ્મના ટ્રેલરની પણ ખૂબ પ્રશંસા કરવામાં આવી હતી, જેનાથી દર્શકોની અપેક્ષાઓ અને ઉત્સાહમાં વધુ વધારો થયો છે. આ ઉપરાંત, ફિલ્મ ‘ગ્રાઉન્ડ ઝીરો’ની વાર્તા કાશ્મીર પર આધારિત છે અને તેનું સંપૂર્ણ શૂટિંગ પણ ત્યાં જ કરવામાં આવ્યું છે. ફિલ્મમાં ઇમરાન હાશ્મી બીએસએફ કમાન્ડન્ટ નરેન્દ્ર નાથ ધર દુબેની ભૂમિકામાં છે, જેમણે આતંકવાદી ગાઝી બાબાને મારવા માટેના ઓપરેશનનું નેતૃત્વ કર્યું હતું. આ મિશન છેલ્લા ૫૦ વર્ષમાં બીએસએફના શ્રેષ્ઠ ઓપરેશન તરીકે નોંધાયેલું છે. ‘ગ્રાઉન્ડ ઝીરો’ એક સત્ય ઘટના પર આધારિત છે જે દર્શકો સમક્ષ ભારતીય ઇતિહાસનો એક ઓછો સાંભળેલો પણ અત્યંત મહત્વપૂર્ણ પ્રકરણ રજૂ કરે છે.
ગાઝી બાબા જૈશ-એ-મોહમ્મદના ટોચનો કમાન્ડર અને હરકત-ઉલ-અંસાર નામના આતંકવાદી સંગઠનના ડેપ્યુટી કમાન્ડર હતો. તેને ૧૩ ડિસેમ્બર ૨૦૦૧ના રોજ ભારતીય સંસદ પર થયેલા હુમલાનો માસ્ટરમાઇન્ડ માનવામાં આવે છે. એક્સેલ એન્ટરટેઈનમેન્ટ પ્રોડક્શનની આગામી ફિલ્મ જેને રિતેશ સિધવાની અને ફરહાન અખ્તર દ્વારા પ્રોડ્યુસ કરવામાં આવી છે. આ ફિલ્મને તેજસ દેવાસ્કરે ડિરેક્ટ કરી છે. કાસિમ જગમગિયા, વિશાલ રામચંદાની, સંદીપ સી સિધવાણી, અરહાન બગાતી, તાલિસમેન ફિલ્મ્સ, અભિષેક કુમાર અને નિશિકાંત રોય દ્વારા સહ-નિર્માતા છે. આ ફિલ્મ 25 એપ્રિલ 2025 ના રોજ સિનેમાઘરોમાં રિલીઝ થવા જઈ રહી છે.
