વિકી કૌશલની ફૅમિલી સાથે પણ કબીરના પારિવારિક સંબંધો છે.
કૅટરિના કૈફ
ફિલ્મમેકર કબીર ખાનનું કહેવું છે કે તે કૅટરિના કૈફને એક ફ્રેન્ડની સાથે જ એક ફૅમિલી પણ માને છે. કૅટરિનાનાં લગ્ન વિકી કૌશલ સાથે ૨૦૨૧માં રાજસ્થાનમાં શાહી અંદાજમાં લગ્ન કરી લીધાં હતાં. ૨૦૦૯માં આવેલી કબીર ખાનની ‘ન્યુ યૉર્ક’, ૨૦૧૨માં આવેલી ‘એક થા ટાઇગર’ અને ૨૦૧૨માં આવેલી ‘ફૅન્ટમ’માં કૅટરિનાએ કામ કર્યું હતું. વિકી કૌશલની ફૅમિલી સાથે પણ કબીરના પારિવારિક સંબંધો છે. એ વિશે કબીર ખાને કહ્યું કે ‘કૅટરિના મારા માટે એક ફ્રેન્ડ કરતાં પણ વિશેષ છે. તે એક ફૅમિલી સમાન છે. અમે ત્રણ ફિલ્મોમાં સાથે કામ કર્યું હતું. અમે સાથે સમય પસાર કર્યો હતો. તેણે વિકી સાથે લગ્ન કર્યાં છે. તેઓ પણ મારા માટે એક કુટુંબ જેવાં છે. મેં વિકીના ડૅડી શામ કૌશલ સાથે છ ફિલ્મો કરી છે. વિકીનો ભાઈ સની મારી પહેલી વેબ-સિરીઝ ‘ફર્ગોટન આર્મી’માં હતો. એથી હા, હું કહી શકું છું કે કૅટરિના મારા માટે એક કુટુંબ જેવી છે.’
