ડૉલ બાદ હવે તૈમુરના નામથી બનશે ફિલ્મ?
તૈમુર અલી ખાન
તૈમુર અલી ખાનના દેખાવવાળી ડૉલની સફળતા બાદ હવે ચર્ચા ચાલી છે કે તેના નામની ફિલ્મ પણ બનવાની છે. લોકપ્રિયતામાં તો તૈમુર તેનાં મમ્મી-પપ્પા સૈફ અલી ખાન અને કરીના કપૂર ખાન કરતાં પણ બે ડગલાં આગળ છે. ‘તૈમુર ડૉલ’ માર્કેટમાં ધૂમ મચાવી રહી છે તો હવે તેના નામની ફિલ્મ બને તો નવાઈ નહીં. એવું સાંભળવા મળ્યું છે કે ફિલ્મમેકર મધુર ભંડારકરે પોતાની આગામી ફિલ્મ માટે તૈમુર નામ રજિસ્ટર પણ કરી લીધું છે. જોકે હજી સુધી એ જાણવા નથી મળ્યું કે આ ફિલ્મ તૈમુર પર આધારિત છે કે નહીં. ૨૦ ડિસેમ્બરે તૈમુરનો બર્થ-ડે છે. તૈમુરના પેરન્ટ્સ પણ ઇચ્છે છે કે તેનો સામાન્ય બાળકની જેમ જ ઉછેર થાય. તૈમુરની ક્યુટનેસના તો લોકો કાયલ છે.
