તેણે વિક્રાન્ત મેસી, રાશિ ખન્ના અને રિદ્ધિ ડોગરાને લઈને બનાવી ‘ધ સાબરમતી રિપોર્ટ’
એકતા કપૂર
એકતા કપૂર હવે ગુજરાતમાં ૨૦૦૨ની ૨૭ ફેબ્રુઆરીએ થયેલી સાબરમતી એક્સપ્રેસની ઘટના પરથી ફિલ્મ બનાવી રહી છે. બાલાજી મોશન પિક્ચર્સ અને વિકિર ફિલ્મ્સ દ્વારા પ્રોડ્યુસ કરવામાં આવી રહેલી આ ફિલ્મનું નામ ‘ધ સાબરમતી રિપોર્ટ’ રાખવામાં આવ્યું છે. આ ફિલ્મમાં વિક્રાન્ત મેસી, રાશિ ખન્ના અને રિદ્ધિ ડોગરાને પસંદ કરવામાં આવી છે અને એને ત્રીજી મેએ રિલીઝ કરવામાં આવશે. આ ફિલ્મની સ્ટોરી અસીમ અરોડા દ્વારા લખવામાં આવી છે અને એને રંજન ચંડેલ ડિરેક્ટ કરશે. રંજને અગાઉ વેબ સિરીઝ ‘ગ્રહણ’ને ડિરેક્ટ કરી હતી. વિક્રાન્તે હાલમાં જ ‘12th ફેલ’માં ખૂબ જ દમદાર પર્ફોર્મન્સ આપ્યો છે. રાશિએ ‘ફર્ઝી’માં ઉમદા કામ કર્યું હતું તો રિદ્ધિ ગયા વર્ષે બે બ્લૉકબસ્ટર ફિલ્મ ‘ટાઇગર 3’ અને ‘જવાન’માં જોવા મળી હતી. સત્ય ઘટના પરથી આધારિત આ ફિલ્મની સ્ટોરી ગોધરા રેલવે સ્ટેશન પાસે સાબરમતી એક્સપ્રેસમાં થયેલી ઘટના વિશે છે.
