આ ફિલ્મને ‘સુલતાન’ અને ‘ટાઇગર ઝિંદા હૈ’ના ડિરેક્ટર અલી અબ્બાસ ઝફરે ડિરેક્ટ કરી છે
_d.jpg)
દિલજિત દોસંજ
દિલજિત દોસંજ તેની આગામી ફિલ્મ ‘જોગી’માં પહેલી વખત પાઘડી વગર જોવા મળવાનો છે. અમાયરા દસ્તુર પણ લીડ રોલમાં દેખાવાની છે. આ ફિલ્મને ‘સુલતાન’ અને ‘ટાઇગર ઝિંદા હૈ’ના ડિરેક્ટર અલી અબ્બાસ ઝફરે ડિરેક્ટ કરી છે. આ ફિલ્મ વિડિયો સ્ટ્રીમિંગ સર્વિસ નેટફ્લિક્સ પર ૧૬ સપ્ટેમ્બરે રિલીઝ થવાની છે. આ ફિલ્મ ૧૯૮૪નાં સિખ રમખાણ પર આધારિત છે. ફિલ્મમાં દેખાડવામાં આવશે કે દિલજિત પોતાના કૅરૅક્ટરની ઓળખ છુપાવવા માટે ભારે હૃદયે પાઘડી ઉતારીને વાળ કપાવે છે. પહેલી વખત એવું બનશે કે દિલજિતને આ ફિલ્મમાં પાઘડી વગર જોવામાં આવશે. જૂના ઇન્ટરવ્યુમાં દિલજિતે જણાવ્યું હતું કે એક ફિલ્મમાં તેને પાઘડી વગર કામ કરવાની ઑફર મળી હતી, પરંતુ તેણે એ માટે ના પાડી હતી. જોકે હવે તેણે ‘જોગી’માં પાઘડી એટલા માટે ઉતારી છે કેમ કે એ ફિલ્મ ઇતિહાસનાં પાનાંને ઊથલાવશે. સાથે જ લોકોને એ વખતના ઇતિહાસની માહિતી પણ આપશે.
