વિજય (Complaint Against South Actor)ના 49માં જન્મદિવસ પર નિર્માતાઓએ લિયોના પ્રથમ-લુક પોસ્ટરનું અનાવરણ કર્યું હતું. ચાહકો એ જાણવા માટે ઉત્સુક હતા કે શું લિયો LCU - લોકેશ સિનેમેટિક યુનિવર્સનો ભાગ છે
ફાઇલ તસવીર
થલપતિ વિજય (Thalapathy Vijay)ની ‘લિયો’ (Leo)એ 2023ની સૌથી અપેક્ષિત ફિલ્મોમાંની એક છે. લોકેશ કનાગરાજ-નિર્દેશક આ ફિલ્મ ઑક્ટોબરમાં રિલીઝ થશે. 22 જૂનના રોજ ‘લિયો’નું પ્રથમ સિંગલ ‘ના રેડી’ (Naa Ready), વિજયના જન્મદિવસ પર જાહેર કરવામાં આવ્યું હતું. આ ગીત ચાર્ટબસ્ટર બન્યું છે, ત્યારે તેણે ટીમને પણ મુશ્કેલીમાં મૂકી દીધી છે. RTI સેલ્વમ નામના કાર્યકર્તાએ ટીમ વિરુદ્ધ ‘ના રેડી’ ગીતમાં ડ્રગના ઉપયોગ અને ઉગ્રવાદને વખાણવા બદલ ફરિયાદ નોંધાવી છે.
વિજય (Complaint Against South Actor)ના 49માં જન્મદિવસ પર નિર્માતાઓએ લિયોના પ્રથમ-લુક પોસ્ટરનું અનાવરણ કર્યું હતું. ચાહકો એ જાણવા માટે ઉત્સુક હતા કે શું લિયો LCU - લોકેશ સિનેમેટિક યુનિવર્સનો ભાગ છે.
ADVERTISEMENT
થલપતિ વિજય અને લિયોના મેકર્સ તાજેતરમાં રિલીઝ થયેલા ‘ના રેડી’ ગીતને લઈને મુશ્કેલીમાં છે. RTI સેલ્વમ નામના એક કાર્યકર્તા, જે ચેન્નાઈના કોરુક્કુપેટ્ટાઈના રહેવાસી છે, તેમણે વિજય અને લિયોની ટીમ વિરુદ્ધ ના રેડી ગીતમાં ડ્રગના ઉપયોગ અને ઉદ્ધતવાદને વખાણવા બદલ ફરિયાદ નોંધાવી છે.
તેણે 25 જૂને ઑનલાઈન ફરિયાદ દાખલ કરી અને 26 જૂનના રોજ સવારે 10 વાગ્યે તેની અરજી સબમિટ કરી છે. તેણે કોર્ટને તેમની સામે નાર્કોટિક કંટ્રોલ એક્ટ હેઠળ પગલાં લેવા વિનંતી કરી છે. નોંધનીય છે કે ચેન્નાઈ પોલીસ દ્વારા ડ્રગ્સના ઉપયોગ સામે શહેરમાં અનેક કાર્યક્રમોનું આયોજન કરવામાં આવ્યું છે. અભિનેતા કાર્તિ અને વિજય એન્ટનીએ ઇવેન્ટમાં ભાગ લીધો હતો.
લિયો વિશે વધુ
લિયો એ લોકેશ કનાગરાજ દ્વારા લખાયેલ અને નિર્દેશિત એક્શન થ્રિલર છે. આ ફિલ્મમાં થલપતિ વિજય, સંજય દત્ત અને ત્રિશા મુખ્ય ભૂમિકામાં છે. આ એક્શન થ્રિલર 19 ઑક્ટોબરે થિયેટરોમાં આયુધ પૂજા સપ્તાહના અંતે રિલીઝ થશે.
ગૌતમ વાસુદેવ મેનન, એક્શન કિંગ અર્જુન, મિસ્કીન, મન્સૂર અલી ખાન અને પ્રિયા આનંદ સહાયક કલાકારોનો ભાગ છે. લલિત કુમાર અને જગદીશ પલાનીસામી દ્વારા નિર્મિત આ ફિલ્મમાં અનિરુદ્ધ રવિચંદર દ્વારા સંગીત આપવામાં આવ્યું છે.
તાજેતરમાં જ ઊજવ્યો હતો બર્થડે
સાઉથ ફિલ્મ ઇન્ડસ્ટ્રીના સુપરસ્ટાર થલપતિ વિજયનો 22 જૂનના રોજ જન્મદિવસ હતો. થલપતિ વિજયના ફેન્સ ભારત સહિત વિદેશમાં પણ વ્યાપકપણે છે. દરમિયાન વિજયના ફેન્સે અભિનેતાને મોટી ભેટ આપી છે. તે હાલ તેમની આગામી ફિલ્મ ‘લિયો’ના શૂટિંગમાં વ્યસ્ત છે. તેના જન્મદિવસને ખાસ બનાવવા ચાહકોએ કંઈક એવું કર્યું કે તે વિજય માટે પણ યાદગાર બની ગયું. આ દિવસે થલપતિ વિજયનો વિડિયો ન્યૂયોર્કના ‘ટાઈમ્સ સ્ક્વેર બિલબોર્ડ’ પર પ્રદર્શિત કરાયો હતો. આ વીડિયોથી સ્પષ્ટ થાય છે કે અભિનેતાના ચાહકો સમગ્ર વિશ્વમાં છે.
