‘વિકી વિદ્યા કા વો વાલા વિડિયો’ અને ‘જિગરા’ના કેસમાં ઊંધું થયું છે. આ બન્ને ફિલ્મોએ શનિવારે જેટલો બિઝનેસ કર્યો હતો એના કરતાં રવિવારે ઓછો કર્યો છે.
વિકી વિદ્યા કા વો વાલા વિડિયો અને જિગરા ફિલ્મનું પોસ્ટર
કોઈ પણ નવી ફિલ્મ રિલીઝ થાય ત્યારે એ શુક્રવાર અને શનિવાર કરતાં રવિવારે વધુ બિઝનેસ કરતી હોય છે, પણ ‘વિકી વિદ્યા કા વો વાલા વિડિયો’ અને ‘જિગરા’ના કેસમાં ઊંધું થયું છે. આ બન્ને ફિલ્મોએ શનિવારે જેટલો બિઝનેસ કર્યો હતો એના કરતાં રવિવારે ઓછો કર્યો છે.
શનિવારે ‘વિકી વિદ્યા...’એ ભારતમાં બૉક્સ-ઑફિસ પર ૭.૦૬ કરોડ રૂપિયાનું નેટ કલેક્શન કર્યું હતું, એની સામે રવિવારનું કલેક્શન ૬.૪૦ કરોડ રૂપિયા રહ્યું હતું. એ જ રીતે ‘જિગરા’એ શનિવારે ૬.૫૮ કરોડ રૂપિયા રળ્યા હતા અને રવિવારે ૫.૫૧ કરોડ રૂપિયા રળ્યા હતા.
ADVERTISEMENT
‘વિકી વિદ્યા...’નું શુક્ર-શનિ-રવિનું એટલે કે ઓપનિંગ વીક-એન્ડનું કલેક્શન ૧૯.૧૭ કરોડ રૂપિયા થયું છે, જ્યારે ‘જિગરા’એ આ ત્રણ દિવસમાં ૧૬.૬૪ કરોડ રૂપિયા ભેગા કર્યા છે.
