ડિલિવરી અગાઉ તેણે મૅગેઝિન માટે ફોટોશૂટ કરાવ્યું હતું
સોનમ કપૂર અને આનંદ આહુજા
શનિવારે દીકરાને જન્મ આપીને સોનમ કપૂર આહુજા અને આનંદ એસ. આહુજા પેરન્ટ્સ બની ગયાં છે. સોનમનું માનવું છે કે બાળકને દુનિયામાં લાવવાનો નિર્ણય સ્વાર્થી હોય છે. સોનમ થોડાં અઠવાડિયાં અગાઉ જ લંડનથી મુંબઈ આવી હતી. ડિલિવરી અગાઉ તેણે મૅગેઝિન માટે ફોટોશૂટ કરાવ્યું હતું. પેરન્ટ્સ બનવા વિશે સોનમે કહ્યું કે ‘જવાબદારીઓ બદલાઈ જાય છે. મારું માનવું છે કે આપણે એમ માનીએ છીએ કે બાળક મારું બની ગયું છે. જોકે વાસ્તવિકતા એ છે કે આ દુનિયામાં આવવાની પસંદગી એ બાળકની પોતાની નથી હોતી, તમે તેને અહીં લઈને આવો છો. એથી આપણો એ ફેંસલો સ્વાર્થી હોવાનું મને લાગે છે.’
