ફિલ્મની શરૂઆતનાં સમયે ડર લાગે છે અમિતાભ બચ્ચનને
ફિલ્મની શરૂઆતનાં સમયે ડર લાગે છે અમિતાભ બચ્ચનને
અમિતાભ બચ્ચનને કોઈ પણ નવી ફિલ્મનું શૂટિંગ શરૂ કરે તો શરૂઆતમાં ગભરામણ થાય છે. તેમણે હાલમાં જ અજય દેવગનની ‘મે ડે’નું શૂટિંગ શરૂ કર્યું છે. તેમણે પોતાનો ફોટો શેર કર્યો છે. આ ફોટોમાં તેમણે વાઇટ સ્વેટશર્ટ અને બ્લેક પેન્ટ પહેર્યું છે. આ ફોટોને ઇન્સ્ટાગ્રામ પર શેર કરીને અમિતાભ બચ્ચને કેપ્શન આપી હતી કે ‘હે ભગવાન... નવી ફિલ્મની શરૂઆત કરતાં જ હંમેશાં મને એક પ્રકારની ગભરામણ... ચેતના શૂન્ય અને સતત ગડમથલ ચાલ્યા કરે છે. ચિંતા સતાવે છે કે હવે શું થશે અને જો આ કામ કરીશું તો લોકો એનો સ્વીકાર કરશે અને મંજુરી આપશે કે નહીં. એવુ લાગે છે કે દોડીને ક્યાંક સંતાઈ જાઉં.’
