આનંદ પંડિતની દીકરીનાં લગ્નમાં જામશે સેલિબ્રિટિઝનો મેળાવડો, જાણો કોણ-કોણ હાજરી આપશે

Anand Pandit Daughter Wedding: પ્રોડ્યુસર આનંદ પંડિતની દીકરીનાં લગ્નમાં શાહરુખ ખાન અને અમિતાભ બચ્ચન હાજરી આપશે

આનંદ પંડિત અને અમિતાભ બચ્ચનની ફાઇલ તસવીર

પ્રોડ્યુસર આનંદ પંડિત (Anand Pandit) હંમેશા તેમનાં કામ અને ભવ્ય પાર્ટી હોસ્ટ કરવા માટે ચર્ચામાં રહે છે. તાજેતરમાં પ્રોડ્યુસર તેમની દીકરી ઐશ પંડિત (Aish Pandit)ના લગ્નને (Anand Pandit Daughter Wedding) કારણે લાઇમલાઇટમાં છે. આનંદ પંડિતની દીકરી ઐશના ૧૧ એપ્રિલના રોજ લગ્ન છે. જેની તૈયારીઓ જોર-શોરથી ચાલી રહી છે. ત્યારે આ લગ્નનમાં બૉલિવૂડ સ્ટાર્સ હાજરી આપશે તેવી માહિતી સૂત્રોએ આપી છે. જેમાં બૉલિવૂડના કિંગ ખાન શાહરુખ ખાન (Shah Rukh Khan)થી માંડીને બૉલિવૂડના બીગ બી અમિતાભ બચ્ચન (Amitabh Bachchan) સહિત અનેક સેલેબ્ઝની હાજરી અપેક્ષિત છે.

પીઢ નિર્માતા આનંદ પંડિત ઉદ્યોગમાં સૌથી વધુ આતિથ્યશીલ અને દયાળુ હોસ્ટ તરીકે જાણીતા છે અને તેઓ હવે એક વિશાળ, સ્ટાર-સ્ટડેડ ઉજવણી માટે સ્ટેજ સેટ કરી રહ્યા છે. રિયલ એસ્ટેટ કંપની લોટસ ડેવલપર્સ (Lotus Developers) તેમજ આનંદ પંડિત મોશન પિક્ચર્સ (Anand Pandit Motion Pictures)ની સફળતા પાછળ આનંદ પંડિતની સખત મહેનત છે. આનંદ પંડિત અત્યારે તેમની પુત્રી ઐશના લગ્નની ઉજવણીમાં વ્યસ્ત છે અને બી-ટાઉનના અગ્રણી દિગ્ગજો માટે ૧૧મી એપ્રિલે મુંબઈ (Mumbai)ની ગ્રાન્ડ હયાત (Grand Hyatt)માં એક ઝળહળતી ઉજવણી કરશે. જેમાં નજીકના મિત્રો અને સાથીદારો પણ હશે.

ADVERTISEMENT

સૂત્રોનું કહેવું છે કે, આનંદ પંડિતની દીકરી ઐશના ૧૧ એપ્રિલે યોજાનારા લગ્નમાં શાહરૂખ ખાન (Shah Rukh Khan), આમિર ખાન (Aamir Khan), અમિતાભ બચ્ચન (Amitabh Bachchan), કાર્તિક આર્યન (Kartik Aaryan), ટાઈગર શ્રોફ (Tiger Shroff), અક્ષય કુમાર (Akshay Kumar), રાજકુમાર રાવ (Rajkummar Rao), કપિલ શર્મા (Kapil Sharma), કરણ જોહર (Karan Johar) અને અન્ય લોકો હાજરી આપશે. પ્રોડ્યુસરની દીકરીને આર્શિવાદ આપવા બૉલિવૂડના અનેક સેલેબ્ઝ આવશે તેવું કહેવામાં આવી રહ્યું છે.

એવું પણ કહેવામાં આવી રહ્યું છે કે, બેસ્ટ પાર્ટી હોસ્ટ તરીકે જાણીતા પ્રોડ્યુસર આંનદ પંડિત મહેમાનોની આગતા-સ્વાગતામાં અને તેમના મનોરંજનમાં કોઈ ઉણપ નહીં રાખે. આનંદ પંડિત મહેમાનોના મનોરંજન માટે સંગીતવાદ્યો ઉત્કૃષ્ટતા અને વિશ્વ-કક્ષાના મનોરંજનનું આયોજન કર્યું છે. જોકે, આ બબાતે હજી કોઈ સત્તાવાર માહિતી નથી. મનોરંજનના આયોજન વિશે આનંદ પંડિતની ઓફિસમાંથી ચોક્કસ વિગતોની સત્તાવાર પુષ્ટિ હજુ પણ રાહ જોવાઈ રહી છે.

નોંધનીય છે કે, ફિલ્મ પ્રોડ્યુસર આનંદ પંડિતે ૬૦મો બર્થ-ડે ખૂબ ધામધૂમથી સેલિબ્રેટ કર્યો હતો. ડિસેમ્બર મહિનામાં તેમને ગ્રાન્ડ સેલિબ્રેશનનું આયોજન કર્યું હતું. આ બર્થ-ડે પાર્ટીમાં તેમને શુભેચ્છા આપવા અનેક સેલિબ્રિટીઝ હાજર રહ્યાં હતા. તેમાં શાહરુખ ખાન, સલમાન ખાન (Salman Khan), અમિતાભ બચ્ચન સહિત અનેક બૉલિવૂડ સેલેબ્ઝ હાજર રહ્યા હતા. આ પાર્ટીમાં ઢોલિવૂડના સ્ટાર્સ મલ્હાર ઠાકર (Malhar Thakar), યશ સોની (Yash Soni) અને મિત્ર ગઢવી (Mitra Gadhavi) પણ હતા.