અમિતાભ બચ્ચને પોતાના એક્સ અકાઉન્ટ પર એક પોસ્ટ શૅર કરી છે, જેમાં તેમણે કોઈનું પણ નામ લખ્યું વગર કંઈક એવું લખ્યું છે કે લોકો તેમની પોસ્ટને વળતો પ્રહાર ગણાવી રહ્યા છે.
અમિતાભ બચ્ચન (ફાઈલ તસવીર)
Amitabh Bachchan Shares Cryptic Post: કૉંગ્રેસ નેતા રાહુલ ગાંધી (Rahul Gandhi) હાલ પોતાની `ભારત જોડો ન્યાય યાત્રા`ને લઈને ચર્ચામાં છે. તાજેતરમાં જ તેમણે વારાણસીની એક રેલી દરમિયાન કાર્યકર્તાઓને સંબોધિત કરતા બૉલિવૂડના મહાનાયક અમિતાભ બચ્ચન અને તેમની પુત્રવધૂ ઐશ્વર્યા રાયને લઈને કંઇક એવું કહી દીધું, જેને કારણે તે સતત સોશિયલ મીડિયા પર ટ્રોલ થઈ રહ્યા છે. હવે તેમના નિવેદન બાદ અમિતાભ બચ્ચને પોતાના એક્સ અકાઉન્ટ પર એક પોસ્ટ શૅર કરી છે, જેમાં તેમણે કોઈનું પણ નામ લખ્યું વગર કંઈક એવું લખ્યું છે કે લોકો તેમની પોસ્ટને વળતો પ્રહાર ગણાવી રહ્યા છે. યૂઝર્સનું માનવું છે કે બિગ બીએ રાહુલ ગાંધીને જડબાતોડ જવાબ આપતા તેમની બોલતી બંધ કરાવી દીધી છે.
બિગ બીએ પોતાની પોસ્ટમાં ખુલાસો કર્યો કે તે બધું એકપાસે કરીને સાંજે પોતાના શારીરિક અને માનસિક સ્વાસ્થ્ય પર ધ્યાન કેન્દ્રિત કરી રહ્યા હતા. તેમણે પોસ્ટમાં લખ્યું - `ટી 4929- વર્કઆઉટનો સમય... શરીરરની ગતિશીલતા... મગજની ફ્લેક્સિબિલિટી... બાકી બધું રાહ જોઈ શકે છે...`
ADVERTISEMENT
T 4929 - time for work out .. mobility of the body .. flexibility of the mind .. all else can wait ..
— Amitabh Bachchan (@SrBachchan) February 21, 2024
ત્યાર બાદ તેમણે લખ્યો બ્લૉગ
Amitabh Bachchan Shares Cryptic Post: આ સિવાય અમિતાભ બચ્ચને એક બ્લૉગ પોસ્ટ પણ લખી છે જેમાં કહેવામાં આવ્યું છે કે તેઓ ઘણા દિવસ પછી એક પ્રોફેશનલ જર્ની પર ગયા હતા. બિગબીએ લખ્યું- `લાંબા સમય પછી પ્રૉફેશનલ ટૂર.. લાંબા સમય પછી બેઝમાં ગેરહાજરી.. લાંબા સમય પછી રવિવારે GOJમાં ન આવી શકવાથી.. અધૂરું લાગે છે.. પણ.. જીવન ચાલે છે.. અને ચાલુ રાખવાનું છે. ઈચ્છા ક્યારેય ઓછી ન થવી જોઈએ.. અથવા તો પંડિતો અને જ્ઞાની લોકો સલાહ આપતા રહે છે.. અને વાસ્તવિકતા કંઈક બીજી જ છે.. પરંતુ તેમ છતાં અમે સતત પ્રયત્ન કરીએ છીએ.. અને શુભેચ્છકોના દબાણ અને સમર્થનથી.. અમે બધા ટકી રહીએ છીએ અને પ્રયત્ન કરતા રહીએ છીએ. કૃપા અને ઉર્જાથી ભરપૂર જેઓ મારી સાથે ચાલે છે.. મને આશા અને હિંમત આપે છે.. હું આમ જીવી શકું.. તેઓ પ્રત્યે હંમેશા મારી પ્રાર્થના, પ્રેમ અને કૃતજ્ઞતા રહેશે.`
અમિતાભની આ પોસ્ટ વાયરલ થઈ હતી
તમને જણાવી દઈએ કે અમિતાભ બચ્ચને પોતાની પોસ્ટમાં કોઈનું નામ લીધું નથી. પરંતુ તેમના ફેન્સ રાહુલ ગાંધીને જવાબ આપતા તેમની પોસ્ટ પર સતત કોમેન્ટ કરી રહ્યા છે. તો જણાવી દઈએ કે ઑફિશિયલી, રાહુલ ગાંધીના નિવેદન પર અમિતાભ તરફથી હજુ સુધી કોઈ નિવેદન અથવા પ્રતિક્રિયા આવી નથી. (Amitabh Bachchan Shares Cryptic Post)
રાહુલ ગાંધીએ શું ટિપ્પણી કરી?
નોંધનીય છે કે કૉંગ્રેસના પૂર્વ અધ્યક્ષ રાહુલ ગાંધી આ દિવસોમાં ભારત જોડો ન્યાય યાત્રા પર છે અને દેશભરમાં રેલીઓ કરી રહ્યા છે. એક રેલી દરમિયાન રાહુલે બોલિવૂડની મજાક ઉડાવી હતી અને પોતાના ભાષણમાં અમિતાભની સાથે ઐશ્વર્યાનું નામ પણ લીધું હતું. આ દરમિયાન, તેઓ રામ મંદિરના ઉદ્ઘાટન વિશે વાત કરી રહ્યા હતા, તેમણે દલિતો, પછાત વર્ગો અને રાષ્ટ્રપતિને પણ આમંત્રણની ગેરહાજરી પર પ્રકાશ પાડ્યો અને તેને સમાજના આ વર્ગોનું અપમાન ગણાવ્યું. રાહુલ ગાંધીએ રામપુર ખાસ વિધાનસભા ક્ષેત્રના લાલગંજ ઈન્દિરા ચોક ખાતેની સભામાં કહ્યું કે રામ મંદિર સમારોહમાં ઉદ્યોગપતિઓ અને અમિતાભ બચ્ચનને આમંત્રણ આપીને મોદીએ સંદેશ આપ્યો કે દેશના 73 ટકા લોકોનું કોઈ મહત્વ નથી. એક અલગ રેલીમાં રાહુલે કહ્યું હતું કે ઐશ્વર્યા ડાન્સ કરતી જોવા મળશે અને બચ્ચન સાહેબ બલ્લે બલ્લે કરતા જોવા મળશે.
