પઠાન(Pathaan) ફિલ્મ રિલીઝ થતાં અભિનેત્રીએ દીપિકાએ પાદુકોણ(Deepika Padukone)ના ચાહકોએ કહ્યું કે આખરે મોં મીઠું કરાવ્યું.
દીપિકા પાદુકોણ
બૉલિવૂડ અભિનેત્રી દીપિકા પાદુકોણ (Deepika Padukone) માટે આજનો દિવસ ખૂબ જ ખાસ છે કારણ કે તેની એક્શન થ્રિલર ફિલ્મ `પઠાણ` (Pathaan) સિનેમાઘરોમાં રિલીઝ થઈ છે. દીપિકા પાદુકોણ(Deepika Padukone)આ ફિલ્મમાં પહેલીવાર મોટા પડદા પર એક્શન કરતી જોવા મળી રહી છે. ફિલ્મનો રિલીઝ (Pathaan Release) દિવસ દરેક અભિનેતા માટે ખાસ હોય છે, તેથી દીપિકાએ પણ આ દિવસને ખાસ બનાવવા માટે એક કામ કરી પોતાની જાતને ટ્રીટ આપી છે. દીપિકા પાદુકોણે સોશિયલ મીડિયા પર એક તસવીર શેર કરી છે, જેને જોઈને તેના ફેન્સના મોઢામાં પાણીમાં આવી ગયું છે. રિલીઝની સાથે જ દીપિકા પાદુકોણે સોશિયલ મીડિયા પર ચોકલેટ કેક અને પેસ્ટ્રીની તસવીર શેર કરીને ચાહકોનું મોં મીઠું કરી દીધું છે.
દીપિકા પાદુકોણની આ તસવીરમાં ચોકલેટ સીરપ સાથે `ગુડ લક ફોર પઠાણ` (Good Luck For Pathaan)લખવામાં આવ્યું છે. ફોટોમાં પેસ્ટ્રીઝ, આઈસ્ક્રીમ, કેક અને ગાજર પુડિંગ જોવા મળી રહ્યું છે. આ અંગે કોમેન્ટ કરીને ફેન્સ દીપિકાના વખાણ કરી રહ્યા છે. એક યુઝરે લખ્યું, `રિલિઝ સાથે દીપિકાએ વહેલી સવારે ચાહકોના મોં મીઠા કરાવી દીધા છે.`
ADVERTISEMENT
View this post on Instagram
આ પણ વાંચો: કોણ છે શાહરુખ ખાન? CM હિમંત બિસ્વા સરમાના આ નિવેદન બાદ SRKએ 2 વાગે કર્યો ફોન
ફિલ્મ `પઠાણ`માં દીપિકા પાદુકોણ એક સ્પેશિયલ એજન્ટનું પાત્ર ભજવી રહી છે જે દેશની રક્ષા માટે શાહરૂખ ખાન (Shah Rukh Khan)સાથે મળીને કામ કરશે. હવે જોવાનું એ રહેશે કે દીપિકા પાદુકોણનો એક્શન અવતાર દર્શકોને પસંદ આવે છે કે નહીં. દીપિકાના કરિયરની વાત કરીએ તો દીપિકા પાદુકોણની 2018માં રિલીઝ થયેલી છેલ્લી હિટ ફિલ્મ `પદ્માવત` કહી શકાય. ગણતંત્ર દિવસના અવસર પર ફિલ્મ `પદ્માવત` પણ રીલિઝ થઈ હતી. આ ફિલ્મ પછી રિલીઝ થયેલી દીપિકાની તમામ ફિલ્મોને મિશ્ર પ્રતિસાદ મળ્યો છે. દીપિકા પાદુકોણ છેલ્લે અનન્યા પાંડે, સિદ્ધાર્થ ચતુર્વેદી સાથે ફિલ્મ `ગેહરૈયાં`માં જોવા મળી હતી. આવનારા સમયમાં દીપિકા પાસે હૃતિક રોશન સાથેની ફિલ્મ `ફાઈટર`, અમિતાભ બચ્ચન સાથેની ફિલ્મ `ધ ઈન્ટર્ન` સહિત ઘણા મોટા પ્રોજેક્ટ્સ છે. દીપિકા પાદુકોણ ફિલ્મ `ફાઇટર`માં પણ એક્શન કરતી જોવા મળશે.
