એના માટે તેણે ધ સનફ્લાવર સીડ્સ અને LAP વેન્ચર્સ સાથે ભાગીદારી કરી છે
બિપાશા બાસુ
બિપાશા બાસુ તેની લાઇફના અનુભવોને અને સકારાત્મક પહેલુઓને એક પુસ્તકના માધ્યમથી તેના ફૅન્સ સાથે શૅર કરવા માટે તૈયાર છે. એના માટે તેણે ધ સનફ્લાવર સીડ્સ અને LAP વેન્ચર્સ સાથે ભાગીદારી કરી છે. લાઇફમાં તેણે ઘણા પડકારનો સામનો કરવો પડ્યો છે. પોતાની સફળ લાઇફ માટે તે ભગવાનનો આભાર માને છે. એ બુકમાં તેની લાઇફને આકાર આપનાર બોધપાઠનો પણ સમાવેશ કરવામાં આવશે. આ બુક આવતા વર્ષે રિલીઝ થશે. એ વિશે બિપાશા કહે છે, ‘મેં પહેલેથી જ નક્કી કરી રાખ્યું હતું કે હું મારી લાઇફની ઊજળી બાજુને દેખાડીશ. એથી મને લાઇફમાં જે કાંઈ પણ શીખવા મળ્યું છે એ મારા ફૅન્સ અને રીડર્સ સાથે શૅર કરીશ. જે ટીમ સાથે ભાગીદારી કરી છે એ મારા સપનાને સાકાર કરવા માટે મારી સાથે ખૂબ નજીકથી કામ કરી રહી છે.’
