ઑફિસમાં આયોજિત પૂજામાં તેની સાથે જોડાઈ એક્સ-વાઇફ કિરણ
પારંપરિક પરિધાનમાં આમિર
આમિર ખાને તેની ઑફિસમાં આયોજિત કરેલી પૂજામાં તેની એક્સ-વાઇફ કિરણ રાવ પણ જોડાઈ હતી. આમિર ખાન પ્રોડક્શન હાઉસની ઑફિસમાં રાખવામાં આવેલી આ પૂજામાં આમિરે જીન્સ અને શર્ટ પર ગળામાં ઉપરણું રાખ્યું હતું, માથા પર ટોપીની સાથે કપાળે તેણે તિલક પણ લગાવ્યું હતું. તેણે પોતાના હાથે કળશ સ્થાપના કરી હતી. આમિર અને કિરણે સાથે મળીને આરતી પણ કરી હતી. આ બન્નેએ થોડા સમય અગાઉ જુદાં પડવાનો નિર્ણય લીધો હતો. આમ છતાં અમુક પ્રસંગોમાં આ બન્ને સાથે હાજર રહે છે. બન્નેને આઝાદ નામનો એક દીકરો છે.
