આ વર્ષ કાર્તિક માટે ખૂબ વિશેષ છે
કાર્તિક આર્યન
કાર્તિક આર્યનનું કહેવું છે કે તેના જીવનમાં ૨૦૨૨ અનેક વખત આવે, કેમ કે ૨૦૨૨નું વર્ષ તેના માટે ખૂબ સફળ રહ્યું હતું. તેની ‘ભૂલભુલૈયા 2’ લોકોને ખૂબ પસંદ પડી હતી. થોડા સમય અગાઉ તેની ‘ફ્રેડી’ પણ ડિજિટલ પ્લૅટફૉર્મ પર રિલીઝ થઈ હતી. એમાં પણ તેનો રોલ લોકોને ખૂબ ગમ્યો હતો. એથી આ વર્ષ કાર્તિક માટે ખૂબ વિશેષ છે. ‘ભૂલભુલૈયા 2’, ‘ફ્રેડી’નો પોતાનો ફોટો અને પોતાની ડૉગી કટોરીનો ફોટો ઇન્સ્ટાગ્રામ પર શૅર કરીને કાર્તિક આર્યને કૅપ્શન આપી હતી, ‘બાય-બાય ૨૦૨૨. આ વર્ષ મારા માટે ખૂબ સ્પેશ્યલ રહ્યું છે. આશા છે કે ૨૦૨૨ જેવું વર્ષ મારા જીવનમાં અનેક વખત આવે. આ વર્ષ હંમેશ માટે મને યાદ રહેશે. મને ત્રણ સૌથી મોટી બ્લૉકબસ્ટર ‘ભૂલભુલૈયા 2’, ‘ફ્રેડી’ અને કટોરી આપવા માટે થૅન્ક યુ.’
