શ્રેયસ તલપડે હવે ‘ધ લાસ્ટ ફ્લાઇટ’માં મેજર અતુલ ગજરે તરીકે જોવા મળશે.
શ્રેયસ તલપડે
શ્રેયસ તલપડે હવે ‘ધ લાસ્ટ ફ્લાઇટ’માં મેજર અતુલ ગજરે તરીકે જોવા મળશે. તેની આ વેબ-સિરીઝ નવ એપ્રિલે સ્ટ્રીમ થઈ રહી છે. આ શોમાં તેની સાથે દીપ્તિ લેલે જોવા મળશે. આ એક ઍન્થોલૉજી છે જેને હિન્દી અને મરાઠીમાં રિલીઝ કરવામાં આવશે. આ ઍન્થોલૉજીમાં બૅટલફીલ્ડના જવાનોની સ્ટોરી દેખાડવામાં આવશે. મેજર અતુલ ગજરેએ હજારો નિર્દોષ લોકોના જીવ બચાવવા માટે પોતાની લાઇફને કુરબાન કરી દીધી હતી જ્યારે તે ફ્લાઇટમાં તેના કો-પાઇલટ કૅપ્ટન ભાનુ પ્રતાપ સાથે હતો. આ વિશે વાત કરતાં શ્રેયસે કહ્યું હતું કે ‘હું ‘ધ લાસ્ટ ફ્લાઇટ’માં મેજર અતુલ ગજરેનું પાત્ર ભજવી રહ્યો છું. આ સિરીઝને તેની લાઇફ પરથી પ્રેરિત થઈને બનાવવામાં આવી છે. આ એક સત્ય ઘટના પર આધારિત પ્રેરણાત્મક સ્ટોરી છે. આ સ્ટોરીમાં તેમના પ્રેમ, બલિદાન અને સ્ટ્રગલની વાત કરવામાં આવી છે. દીપકજી અને સમગ્ર ક્રૂ સાથે સેટ પર કામ કરવાની ખૂબ જ મજા આવી હતી.’
