સ્ટૉક માર્કેટ ક્રેશ: ભારતીય શૅર બજારને લોકસભા ઈલેક્શનના પરિણામ સાથે જોડાયેલા આંકડાઓ પસંદ પડી રહ્યા નથી અને આની અસર માર્કેટમાં પણ ભારે ઘટાડા સાથે જોવા મળી રહી છે. બપોરે 12 વાગ્યા સુધી BSE Sensex 5000 અંક ગગડી પડ્યા હતા.
અમિત શાહ (ફાઈલ તસવીર)
સ્ટૉક માર્કેટ ક્રેશ: ભારતીય શૅર બજારને લોકસભા ઈલેક્શનના પરિણામ સાથે જોડાયેલા આંકડાઓ પસંદ પડી રહ્યા નથી અને આની અસર માર્કેટમાં પણ ભારે ઘટાડા સાથે જોવા મળી રહી છે. બપોરે 12 વાગ્યા સુધી BSE Sensex 5000 અંક ગગડી પડ્યા હતા.
એક તરફ દેશમાં લોકસભાની ચૂંટણી 2024 પરિણામ માટે મતગણતરી ચાલી રહી છે, તો બીજી તરફ જે ટ્રેન્ડ આવી રહ્યા છે તે શેર બજારને પસંદ નથી પડ્યા. શેરબજારમાં વેપારની શરૂઆત ઘટાડા સાથે થઈ હતી અને તે સુનામીમાં ફેરવાઈ ગયું. આ સમાચાર લખાયા તે સમયે, બીએસઈ સેન્સેક્સ 6000 પોઇન્ટથી ડાઉન વેપાર કરી રહ્યો હતો, જ્યારે એનએસઈ નિફ્ટી 1900 પોઇન્ટથી વધુ ઘટ્યો હતો.
ADVERTISEMENT
સેન્સેક્સ 72000ની નીચે
મંગળવારે શરૂ થયેલો શેરબજારનો ઘટાડો સમાપ્ત થવાનું નામ લઈ રહ્યો નથી. 1700 પોઇન્ટના ઘટાડા સાથે ખુલેલો બીએસઈ સેન્સેક્સ બપોરે 12.20 વાગ્યે 6094 પોઇન્ટ ઘટીને 70,374 પર આવી ગયો હતો. બીજી તરફ, નિફ્ટી ઇન્ડેક્સ લગભગ 1947 પોઇન્ટ ઘટીને 21,316 ના સ્તરે ટ્રેડ થયો હતો. સેન્સેક્સ 7.97 ટકા અને નિફ્ટી 50 8.37 ટકાના ઘટાડા સાથે કારોબાર કરી રહ્યો છે.
રોકાણકારોને 30 લાખ કરોડ
સોમવારે છેલ્લા ટ્રેડિંગ દિવસે, જ્યારે સેન્સેક્સ 2500 પોઇન્ટ અને નિફ્ટી 733 પોઇન્ટના વધારા સાથે બંધ થયો હતો, ત્યારે આજે બંને સૂચકાંકો ઝડપી ગતિએ ઘટી રહ્યા છે. શેર બજારમાં ઘટાડાથી રોકાણકારોને ભારે નુકસાન થયું છે અને બીએસઈ એમકેપના જણાવ્યા અનુસાર તેમની લગભગ 30 લાખ કરોડ રૂપિયાની સંપત્તિ ગુમાવવી પડી છે.
Stock Market Crash: રિલાયન્સથી લઈને ટાટા સુધી, શેર બજારમાં આ સુનામી વચ્ચે બીએસઈના 30માંથી 29 શેરોમાં મોટો ઘટાડો જોવા મળી રહ્યો છે. એનટીપીસીનો શેર 19.68 ટકાના ઘટાડા સાથે 314 રૂપિયા પર ટ્રેડ થઈ રહ્યો છે. બીજી તરફ એસબીઆઈના શેરમાં 16.76 ટકા, પાવરગ્રિડના શેરમાં 5.74 ટકા, ટાટા સ્ટીલના શેરમાં 9.99 ટકા, ટાટા મોટર્સના શેરમાં 9.96 ટકા, ભારતી એરટેલના શેરમાં 9.84 ટકા, રિલાયન્સના શેરમાં 9.67 ટકા અને એચડીએફસી બેન્કના શેરમાં 6.18 ટકાનો ઘટાડો નોંધાયો હતો.
અદાણીના શેર 23% ઘટ્યા
છેલ્લા ટ્રેડિંગ દિવસે જ્યારે ભારતીય અબજોપતિ ગૌતમ અદાણીના શેર બજારમાં લિસ્ટેડ તમામ કંપનીઓના શેરમાં ઉછાળો જોવા મળ્યો હતો, ત્યારે મંગળવારે તે બધામાં ઘટાડો જોવા મળ્યો હતો. બપોરે 12 વાગ્યા સુધીમાં અદાણી પોર્ટ્સ 23%, અદાણી એન્ટરપ્રાઇઝ 20%, અંબુજા સિમેન્ટ 20%, એનડીટીવી 20%, અદાણી પાવર 18%, અદાણી ગ્રીન એનર્જી શેર 18%, અદાણી કુલ ગેસ શેર 16% ઘટ્યો છે.
નોંધનીય છે કે એક્ઝિટ પોલના રિઝલ્ટ આવ્યા બાદ એટલે કે સોમવારે માર્કેટે ધડાકાભેર શરૂ થતાં ખૂબ જ મોટી છલાંગ લગાવી હતી. ચૂંટણી પ્રચાર દરમિયાન દેશના ગૃહમંત્રી તેમજ ભારતીય જનતા પાર્ટીના નેતા અમિત શાહે દાવો કર્યો હતો કે શૅર બજારમાં જેટલું રોકાણ કરવું હોય તે ચૂંટણી પરિણામ પહેલા એટલે કે 4 જૂન પહેલા કરી લેવું કારણકે મંગળવારે શૅરબજારા ધડાકાભેર ખુલવાની શક્યતાઓ છે. પરંતુ શાહનો આ દાવો ખોટો પડતો દેખાય છે કારણકે સવારે લોકસભા ચૂંટણી 2024ના પરિણામના ઝુકાવને જોતા માર્કેટ કડાકા સાથે ગગડ્યું છે.
