આ વખતે રિલાયન્સ ઈન્ડસ્ટ્રીઝની એજીએમ (Reliance AGM) 28 ઑગસ્ટ સોમવારના રોજ યોજાવા જઈ રહી છે. BSE સેન્સેક્સ અને NSE નિફ્ટી પર સૌથી પ્રભાવશાળી કંપનીની આ 46મી એજીએમ છે
ફાઇલ તસવીર
મુકેશ અંબાણી (Mukesh Ambani)ની કંપની રિલાયન્સ ઇન્ડસ્ટ્રીઝની વાર્ષિક સામાન્ય સભા (Reliance AGM)ની તારીખ નજીક છે. આ સાથે જ રોકાણકારો અને બજાર વિશ્લેષકોની લાંબી રાહનો અંત આવવાનો છે. ભારતીય બજારની સૌથી મોટી કંપની રિલાયન્સ ઇન્ડસ્ટ્રીઝ હોવાથી દરેક વ્યક્તિ તેની એજીએમની રાહ જુએ તે સ્વાભાવિક છે. જો કે, છેલ્લા કેટલાક વર્ષોમાં, આ સૌથી મોટી કૉર્પોરેટ ઇવેન્ટનું મહત્ત્વ વધુ વધી ગયું છે, કારણ કે દર વખતે એજીએમમાં મોટી જાહેરાતો કરવામાં આવે છે, જેની સીધી કે આડકતરી રીતે સામાન્ય લોકોને અસર થાય છે.
રિલાયન્સની 46મી વાર્ષિક સામાન્ય સભા
ADVERTISEMENT
આ વખતે રિલાયન્સ ઈન્ડસ્ટ્રીઝની એજીએમ (Reliance AGM) 28 ઑગસ્ટ સોમવારના રોજ યોજાવા જઈ રહી છે. BSE સેન્સેક્સ અને NSE નિફ્ટી પર સૌથી પ્રભાવશાળી કંપનીની આ 46મી એજીએમ છે. રિલાયન્સ ઈન્ડસ્ટ્રીઝે પાછલા વર્ષોમાં એક ધોરણ નક્કી કર્યું છે કે તે તેની એજીએમમાં આવનારા વર્ષ માટેની બિઝનેસ વ્યૂહરચના વિશે માહિતી આપે છે. ઓઈલથી લઈને ટેલિકોમ સુધી અને રિટેલથી લઈને ફાઈનાન્સ સુધી, વિવિધ ક્ષેત્રોમાં ફેલાયેલા બિઝનેસ સામ્રાજ્યને સંભાળતી કંપની એજીએમમાં તેની સંપૂર્ણ બ્લુપ્રિન્ટ આપે છે.
જિયો ફાયનાન્સિયલ સર્વિસિસ પર જાહેરાત
આ વખતની એજીએમ એ અર્થમાં પણ ખાસ રહેવાની છે કે IPOને લઈને મોટી જાહેરાતો થઈ શકે છે. તાજેતરમાં જ રિલાયન્સ ઇન્ડસ્ટ્રીઝે તેના નાણાકીય સેવા એકમને ડીમર્જ કર્યું છે. હવે તેનું નામ બદલીને Jio Financial Services Limited રાખવામાં આવ્યું છે. બજારની ધારણા છે કે રિલાયન્સ જિયોએ ટેલિકોમ સેક્ટરમાં જે કર્યું છે તે જ રીતે આ કંપની ફાઇનાન્સ સેક્ટરમાં અસર કરી શકે છે. આ જ કારણ છે કે એજીએમમાં જિયો ફાયનાન્સિયલ સર્વિસિસ લિમિટેડના ફંડામેન્ટલ્સ અને પ્રોડક્ટ ઑફરિંગ અંગેની જાહેરાત અપેક્ષિત છે.
આ ત્રણ આઈપીઓ માર્કેટમાં આવે તેવી વકી0
આ એકમને ડીમર્જ કર્યા બાદ, રિલાયન્સ ઈન્ડસ્ટ્રીઝ તેને એકલ સ્વરૂપે બજારમાં લાવી શકે છે. નજીકના ભવિષ્યમાં Jio Financial Services Limitedનો IPO આવવાનો છે કે કેમ તેની પણ AGMમાં માહિતી મળી શકે છે. આ ઉપરાંત, બજાર વિશ્લેષકો અને રોકાણકારો પણ રિલાયન્સ જિયોના આઈપીઓ અને ફાઈવર રિટેલના આઈપીઓની જાહેરાત બાબતે આતુર છે.
કેટલો સસ્તો હશે 5G ફોન
આ એજીએમમાં સસ્તા 5જી મોબાઈલ સંબંધિત જાહેરાત પણ થઈ શકે છે. રિલાયન્સ જિયો એફોર્ડેબલ 5G સ્માર્ટફોન લૉન્ચ કરવાની તૈયારી કરી રહ્યું છે. રિલાયન્સનો સસ્તો 5G ફોન કેટલો સસ્તો હશે, તે એજીએમમાં સ્પષ્ટપણે જાણી શકાશે. આ સિવાય રિલાયન્સ જિયોના 5G ટેરિફ પ્લાનને લઈને કેટલીક જાહેરાત પણ શક્ય છે. એવી અપેક્ષા રાખવામાં આવે છે કે રિલાયન્સ ઇન્ડસ્ટ્રીઝની એજીએમમાં સસ્તા 5G પ્લાન પણ રજૂ કરવામાં આવી શકે છે.
તે જ સમયે, ઘણા વિશ્લેષકો દેશની સૌથી મોટી કંપનીમાં ઉત્તરાધિકારના સંકેતોની પણ અપેક્ષા રાખી રહ્યા છે. મુકેશ અંબાણી વર્ષોથી ધીમે-ધીમે આગામી પેઢીને બિઝનેસમાં મોખરે લાવવામાં વ્યસ્ત છે. આ માટે બંને પુત્રો અનંત અને આકાશ અંબાણી અને પુત્રી ઈશા અંબાણીને સતત નેતૃત્વની ભૂમિકાઓ આપવામાં આવી છે. એવું કહેવાય છે કે મુકેશ અંબાણીએ ઉત્તરાધિકાર માટે સંપૂર્ણ બ્લુ પ્રિન્ટ તૈયાર કરી છે. બની શકે કે એજીએમમાં આ અંગે કેટલાક સ્પષ્ટ સંકેતો આપવામાં આવે.
