અગાઉના ટ્રમ્પશાસન વખતે સોનામાં બાવન ટકા તેજી જોવા મળી હતી: ચીન સાથે ટ્રેડવૉર ચાલુ થતાં રૂ, સોયાબીન, મકાઈની બજારમાં મોટી તેજી-મંદી થશે
ડોનલ્ડ ટ્રમ્પ
અમેરિકાનું બહુચર્ચિત પ્રેસિડેન્શિયલ ઇલેક્શન પાંચમી નવેમ્બરે યોજાઈ રહ્યું છે. મોટા ભાગના સર્વેમાં છેલ્લાં બે સપ્તાહથી જીત માટે ડોનલ્ડ ટ્રમ્પનું પલડું સતત ભારે બની રહ્યું છે. બે સપ્તાહ અગાઉ લગભગ તમામ સર્વેમાં કમલા હૅરિસની જીત નિશ્ચિત મનાતી હતી, પણ નાટ્યાત્મક રીતે ટ્રમ્પ અનેક સર્વેમાં કમલા હૅરિસથી બેથી ત્રણ પૉઇન્ટ આગળ ચાલી રહ્યા છે. ડોનલ્ડ ટ્રમ્પનો ૧૯૧૭થી ૨૦૦૦ સુધીનો પ્રેસિડન્ટકાળ અનેક રીતે ચર્ચાસ્પદ રહ્યો હતો. ખાસ કરીને ચીન સાથેની ટ્રેડવૉર અને અમેરિકામાં અન્ય દેશોના નાગરિકોની ઘૂસણખોરીને રોકવા ટ્રમ્પે લીધેલાં પગલાંની ચર્ચા લાંબો સમય ચાલી હતી. ટ્રમ્પે ચૂંટણી પહેલાંની તમામ મીટિંગોમાં બહુ જ સ્પષ્ટ રીતે અમેરિકામાં આવતી તમામ ચીજો પર ૬૦ ટકા ડ્યુટી લાગુ કરવાની ઘોષણા કરી છે. ઉપરાંત રશિયા-યુક્રેન અને ઇઝરાયલ-હમાસ તથા ઇઝરાયલ-હિઝબુલ્લા વચ્ચે ચાલી રહેલા યુદ્ધ બાબતે ટ્રમ્પે બહુ જ સ્પષ્ટ મત વ્યક્ત કર્યો છે. હાલના પ્રેસિડન્ટ જો બાયડન દ્વારા યુક્રેનને અપાતી મિલિટરી અને નાણાકીય સહાય ટ્રમ્પે બંધ કરવાની જાહેરાત કરી દીધી છે એનો સીધો મતલબ છે કે યુક્રેનની સામે રશિયાનો હાથ ઉપર રહેશે અને રશિયા યુક્રેનને રગદોળી નાખશે તો પણ ટ્રમ્પ યુક્રેનને કોઈ સહાય આપશે નહીં. ઇઝરાયલ બાબતે ટ્રમ્પ અને બાયડનની લાઇવ ડિબેટમાં ટ્રમ્પે બાયડનને સ્પષ્ટ જણાવ્યું હતું કે ઇઝરાયલને એનું કામ કોઈ પણ જાતની દખલગીરી વગર કરવા દેવું જોઈએ. એનો મતલબ કે ટ્રમ્પ આવ્યા બાદ યુદ્ધ-સમાપ્તિના કોઈ પ્રયાસો નહીં થાય. આ તમામ બાબતોની સોના-ચાંદી સહિત તમામ કૉમોડિટી માર્કેટ પર મોટી અસર થશે.
આખો આર્ટિકલ વાંચવા માટે ગુજરાતી મિડ-ડે એપ્લિકેશન ડાઉનલોડ કરો
એપ ડાઉનલોડ કરવા માટે સ્કેન કરો QR કોડ
