નાણાપ્રધાન સીતારમણે સંસદમાં સત્તાવાર માહિતી આપી
નાણાપ્રધાન નિર્મલા સીતારમણ
નાણાપ્રધાન નિર્મલા સીતારમણે મંગળવારે સંસદમાં માહિતી આપી હતી કે છેલ્લાં પાંચ નાણાકીય વર્ષોમાં બૅન્કોએ ૧૦,૦૯,૫૧૧ કરોડ રૂપિયાની બૅડ લોન માંડવાળ કરી છે.
નૉન-પર્ફોર્મિંગ ઍસેટ્સ (એનપીએ), જેમાં ચાર વર્ષ પૂરાં થવા પર સંપૂર્ણ જોગવાઈ કરવામાં આવી છે એ સહિત સંબંધિત બૅન્કની બૅલૅન્સશીટમાંથી રાઇટ-ઑફ દ્વારા દૂર કરવામાં આવે છે, એમ તેમણે રાજ્યસભાને આપેલા જવાબમાં જણાવ્યું હતું.
ADVERTISEMENT
આ પણ વાંચો : સરકારે ૧.૨૫ લાખ કરોડ રૂપિયાનું કાળું નાણું ઝડપ્યું
બૅન્કો તેમની બૅલૅન્સશીટ સાફ કરવા, કર લાભ મેળવવા અને તેમના બોર્ડ દ્વારા મંજૂર કરાયેલી નીતિ અનુસાર તેમની નિયમિત કવાયતના ભાગરૂપે એનપીએને રદ કરે છે. છેલ્લાં પાંચ નાણાકીય વર્ષો દરમ્યાન ૧૦ લાખ કરોડ રૂપિયાની રકમ માંડવાળ કરી હતી તેમ તેમણે જણાવ્યું હતું. લેખિત-ઑફ લોનના ઉધાર લેનારાઓ પુન: ચુકવણી માટે જવાબદાર રહેવાનું ચાલુ રાખે છે અને લેખિત-ઑફ લોન ખાતાઓમાં લેનારા પાસેથી બાકી રકમની વસૂલાતની પ્રક્રિયા ચાલુ રહે છે, રાઇટ-ઑફથી લેનારાને ફાયદો થતો નથી તેમ સીતારમણે જણાવ્યું હતું.
