25 November, 2023 02:20 PM IST | Mumbai | Gujarati Mid-day Correspondent
ક્રિસ્ટિઆનો રોનાલ્ડો
પોર્ટુગલના ફુટબૉલર તેમ જ મૅન્ચેસ્ટર યુનાઇટેડ અને રિયલ મૅડ્રિડના ભૂતપૂર્વ ખેલાડી ક્રિસ્ટિઆનો રોનાલ્ડો વિશે વિચિત્ર અને અકલ્પનીય કમેન્ટ કરવા બદલ પાકિસ્તાનનો ભૂતપૂર્વ ક્રિકેટર અને પાકિસ્તાન ક્રિકેટ બોર્ડ (પીસીબી)ના અધ્યક્ષસ્થાનેથી ગયા વર્ષે હાંકી કાઢવામાં આવેલો રમીઝ રાજા ઇન્ટરનેટ પર જબરદસ્ત ટ્રોલ થયો છે.
રમીઝે પાકિસ્તાનની ‘સુનો ન્યુઝ’ નામની ચૅનલ પરની વાતચીત દરમ્યાન રોનાલ્ડોના ખાસ ઉલ્લેખમાં કહ્યું હતું કે ‘રોનાલ્ડો કી જો ડાયટ-પ્લાન હૈ વો નાસા (નૅશનલ ઍરોનૉટિક્સ ઍન્ડ સ્પેસ ઍડ્મિનિસ્ટ્રેશન) કે સાયન્ટિસ્ટ્સ સેટ કરતે હૈં.’
થોડા સમય પહેલાં રમીઝે વિવ રિચર્ડ્સ અને નીના ગુપ્તાની પુત્રી મસાબા વિશે જાતીય ટિપ્પણી કરીને વિવાદ વહોરી લીધો હતો. પીસીબીના ચીફ તરીકે તેણે ત્રણ વર્ષનો કરાર કર્યો હતો, પરંતુ ૨૦૨૨માં એક જ વર્ષમાં તેની હકાલપટ્ટી થઈ હતી.