૧૦ કરોડ રૂપિયા અને ૯૨.૯૭ નંબર-પ્લેટવાળી નવી કાર

પાકિસ્તાનની પંજાબ સરકારે અર્શદ નદીમને આપી આ ગિફ્ટ્સ

અર્શદ નદીમ

પાકિસ્તાનના અર્શદ નદીમની જાણે લૉટરી જ લાગી ગઈ છે. દેશનો સર્વોચ્ચ પુરસ્કાર મળે એ પહેલાં સાસરેથી ભેટમાં લગભગ ૮ લાખ રૂપિયાની ભેંસ મેળવનાર પૅરિસ ઑલિમ્પિક્સના જૅવલિન થ્રો ચૅમ્પિયન અર્શદ નદીમને હવે પંજાબ સરકાર પાસેથી સ્પેશ્યલ ગિફ્ટ મળી છે.

ગઈ કાલે પંજાબનાં મુખ્ય પ્રધાન મરિયમ નવાઝે નદીમના ઘરે જઈને ૧૦ કરોડ પાકિસ્તાની રૂપિયા અને નવી કારની ચાવી ગિફ્ટ કરી હતી. નદીમે ૯૨.૯૭ મીટરના ઑલિમ્પિક રેકૉર્ડ થ્રો સાથે ગોલ્ડ મેડલ જીત્યો હતો, એથી તેના માટે સ્પેશ્યલ ૯૨.૯૭ નંબરવાળી નંબર-પ્લેટ બનાવવામાં આવી છે.