યુનાઇટેડ કપમાં બ્રિટનના ખેલાડી સામે હાર્યો નડાલ

રાફેલ નડાલ વર્ષ ૨૦૨૨નો અંત જીત સાથે કરી શક્યો નથી.

રાફેલ નડાલ

રાફેલ નડાલ વર્ષ ૨૦૨૨નો અંત જીત સાથે કરી શક્યો નથી. ગઈ કાલે સિડનીમાં રમાયેલી યુનાઇટેટ કપની મિક્સ્ડ ટીમ ટુર્નામેન્ટમાં તે બ્રિટનના કેમેરોન નોરી સામે  ૬-૩, ૩-૬, ૪-૬થી હારી ગયો હતો. નડાલે આ વર્ષે ઑસ્ટ્રેલિયન ઓપન અને ફ્રેન્ચ ઓપન જીતીને પોતાના ગ્રૅન્ડ સ્લેમની યાદીને બાવીસ સુધી પહોંચાડી છે, પરંતુ પગ, સ્નાયુઓ તેમ જ પેટની સમસ્યાઓને કારણે તે વિમ્બલ્ડન બાદ માત્ર ચાર સ્પર્ધામાં જ ભાગ લઈ શક્યો છે. નોરીએ મેળવેલા આ વિજયને કારણે ​બ્રિટને સ્પેન સામે ૧-૦થી લીડ મેળવી છે.