હૉકીમાં સ્પેને મલેશિયાને હરાવ્યું

મંગળવારે ફાઇનલ આઠના તબક્કામાં હવે સ્પેનની ટક્કર ઑસ્ટ્રેલિયા સામે થશે

ગોલની ઉજવણી કરતા સ્પેનના ખેલાડીઓ.

ભુવનેશ્વરમાં રમાઈ રહેલા પુરુષોના હૉકી વર્લ્ડ કપમાં સ્પેને મલેશિયા સામેની રોમાંચક મૅચમાં ૨-૨થી ગોલ થયા બાદ પેનલ્ટી શૂટઆઉટમાં મલેશિયાને ૪-૩થી હરાવી દીધું હતું. મંગળવારે ફાઇનલ આઠના તબક્કામાં હવે સ્પેનની ટક્કર ઑસ્ટ્રેલિયા સામે થશે. બન્ને ટીમોએ બે-બે ગોલ કરતાં આખરે પેનલ્ટી શૂટઆઉટમાં નિર્ણય ગયો હતો, જેમાં બન્ને ટીમના ખેલાડીઓએ ૩-૩ ગોલ કરતાં આખરે નિર્ણય સડન-ડેથમાં ગયો હતો. જેમાં સ્પેનના ખેલાડી માર્ક મિરાલેસે ગોલ કર્યો હતો, જ્યારે મલેશિયાનો ફિરહાન અશારી ચૂકી ગયો હતો.