10 December, 2022 11:08 AM IST | New Delhi | Gujarati Mid-day Correspondent
જર્મની
ચાર વખત ચૅમ્પિયન બનેલી જર્મનીની ટીમ અને વર્લ્ડ નંબર-ટૂ બેલ્જિયમની ટીમ કતારના ફિફા વર્લ્ડ કપમાંથી વહેલી બહાર થઈ જતાં આ બન્ને દેશની ટીમની જર્સીના ભાવ ઘટી ગયા છે. જર્મન ટીમની સત્તાવાર જર્સીનો ભાવ જે ટુર્નામેન્ટની શરૂઆતથી ૬૭૦ કતારી રિયાલ (અંદાજે ૧૫,૧૬૦ રૂપિયા) હતો એ જર્મનીની ટીમ ગ્રુપ-સ્ટેજમાં જ સ્પર્ધાની બહાર થઈ જતાં ઘટીને ૩૨૯ રિયાલ (૭૪૪૫ રૂપિયા) થઈ ગયો છે. જર્મનીનો ૨૩ નવેમ્બરે પહેલી જ મૅચમાં જપાન સામે ૧-૨થી પરાજય થયો હતો.
બેલ્જિયમ
બેલ્જિયમની ટીમની સત્તાવાર જર્સીનો ભાવ જે ટુર્નામેન્ટની શરૂઆતથી ૪૩૦ કતારી રિયાલ (અંદાજે ૯૭૩૦ રૂપિયા) હતો એ ગ્રુપ-સ્ટેજમાં જ બેલ્જિયમની ટીમ આઉટ થઈ જતાં ૫૦ ટકા ઘટી ગયો હતો.
બેલ્જિયમનો ૨૭ નવેમ્બરે મૉરોક્કો સામે ૦-૨થી પરાજય થયો હતો.