ઇંગ્લૅન્ડનો ગૅરી બલાન્સ હવે ઝિમ્બાબ્વે વતી રમશે

ઝિમ્બાબ્વે તેની જન્મભૂમિ છે અને તેણે ઝિમ્બાબ્વે ક્રિકેટ બોર્ડ સાથે બે વર્ષનો કૉન્ટ્રૅક્ટ કર્યો છે.

ગૅરી બલાન્સ

ઇંગ્લૅન્ડ વતી ૨૩ ટેસ્ટ અને ૧૬ વન-ડે રમી ચૂકેલો લેફ્ટ-હૅન્ડ બૅટર ગૅરી બલાન્સ હવે ઝિમ્બાબ્વે વતી રમતો જોવા મળશે. ઝિમ્બાબ્વે તેની જન્મભૂમિ છે અને તેણે ઝિમ્બાબ્વે ક્રિકેટ બોર્ડ સાથે બે વર્ષનો કૉન્ટ્રૅક્ટ કર્યો છે. તે ૨૦૦૬માં ઇંગ્લૅન્ડમાં સ્થાયી થયો એ પહેલાં અન્ડર-19 વર્લ્ડ કપમાં ઝિમ્બાબ્વે વતી રમ્યો હતો. ૨૦૨૧માં બલાન્સે યૉર્કશર કાઉન્ટીમાં રમતી વખતે સાથી-ખેલાડી અઝીમ રફીક વિશે રંગભેદલક્ષી ભાષા વાપરી હોવાની કબૂલાત કરી હતી. બલાન્સને આયરલૅન્ડ સામે રમનાર ઝિમ્બાબ્વેની ટીમમાં સિલેક્ટ કરાયો છે.