09 July, 2024 11:22 AM IST | Mumbai | Gujarati Mid-day Correspondent
રિયાન પરાગ, કૅપ્ટન હરમન સાથે ઉમા ચેત્રી
૨૦૧૩માં મહિલા બોલર રિતુ ધ્રુબ ભારતીય નૅશનલ ટીમ માટે ડેબ્યુ કરનાર આસામની પહેલી ક્રિકેટર બની હતી. આ ઘટનાના એક દાયકા બાદ ૪૮ કલાકના સમયગાળામાં આસામના બે ક્રિકેટર્સે ભારતીય ટીમ માટે T20માં ડેબ્યુ કર્યું હતું. ૬ જુલાઈએ રિયાન પરાગ ભારત માટે ડેબ્યુ કરનાર આસામનો પહેલો મેન્સ ક્રિકેટર બન્યો હતો. ૭ જુલાઈએ વિકેટકીપર-બૅટર ઉમા ચેત્રી ભારતીય વિમેન્સ ટીમ માટે ઇન્ટરનૅશનલ ડેબ્યુ કરનાર આસામની બીજી વિમેન્સ ક્રિકેટર બની હતી. રિતુ ધ્રુબની ઇન્ટરનૅશનલ કરીઅર ૩ ટેસ્ટ અને ૩ T20 રમ્યા બાદ ખતમ થઈ ગઈ હતી, પણ ૨૧ વર્ષની ઉમા ચેત્રી અને બાવીસ વર્ષના રિયાન પરાગની કરીઅર લાંબી ચાલે એવી આશા આસામના લોકો રાખી રહ્યા છે.