મુંબઈ કે મધ્ય પ્રદેશ? કોણ જીતશે ૨૦૨૪ની સૈયદ મુશ્તાક અલી ટ્રોફી?

શ્રેયસ ઐયર અને રજત પાટીદાર

સૈયદ મુશ્તાક અલી ટ્રોફી ૨૦૨૪ની ફાઇનલ મૅચ આજે ૧૫ ડિસેમ્બરે બૅન્ગલોરના એમ. ચિન્નાસ્વામી સ્ટેડિયમમાં રમાશે. મુંબઈની ટીમ બરોડાને ૬ વિકેટે અને મધ્ય પ્રદેશ દિલ્હીને સાત વિકેટે હરાવીને ફાઇનલમાં પહોંચી છે. મુંબઈ બે વર્ષ બાદ અને મધ્ય પ્રદેશ ૧૩ વર્ષ બાદ આ ટુર્નામેન્ટની ફાઇનલ રમશે. નવેમ્બર ૨૦૨૨માં મુંબઈએ હિમાચલ પ્રદેશને હરાવીને પહેલી વાર આ ટાઇટલ જીત્યું હતું. માર્ચ ૨૦૧૧માં પશ્ચિમ બંગાળ સામે ફાઇનલ હારનાર મધ્ય પ્રદેશ આજે પહેલી વાર આ ટુર્નામેન્ટની ટ્રોફી ઉપાડવાનો ભરપૂર પ્રયાસ કરશે. 

શ્રેયસ ઐયર મુંબઈ અને રજત પાટીદાર મધ્ય પ્રદેશની ટીમનું નેતૃત્વ કરી રહ્યા છે. બન્ને ટીમ વચ્ચે આ T20 ટુર્નામેન્ટની ચાર મૅચ રમાઈ છે અને ચારેય મૅચમાં મુંબઈની જીત થઈ છે.  આજે સાંજે ૪.૩૦ વાગ્યે શરૂ થનારી આ ફાઇનલ મૅચ સ્પોર્ટ્સ 18 નેટવર્ક અને જિયો સિનેમા પર જોઈ શકાશે.