શિર્ડીમાં સાંઈબાબાના શરણમાં પહોંચ્યો પૃથ્વી શૉ

મુંબઈની ડોમેસ્ટિક ટીમનો ઓપનિંગ બૅટર પૃથ્વી શૉ હાલમાં સાંઈબાબાનાં દર્શન કરવા શિર્ડી પહોંચ્યો હતો. આજથી ૨૩ નવેમ્બરથી શરૂ થઈ રહેલી સૈયદ મુશ્તાક અલી ટ્રોફીની ૧૭મી સીઝન માટે તેને મુંબઈની સ્ક્વૉડમાં સ્થાન મળ્યું છે

પૃથ્વી શૉ હાલમાં સાંઈબાબાનાં દર્શન કરવા શિર્ડી પહોંચ્યો

મુંબઈની ડોમેસ્ટિક ટીમનો ઓપનિંગ બૅટર પૃથ્વી શૉ હાલમાં સાંઈબાબાનાં દર્શન કરવા શિર્ડી પહોંચ્યો હતો. આજથી ૨૩ નવેમ્બરથી શરૂ થઈ રહેલી સૈયદ મુશ્તાક અલી ટ્રોફીની ૧૭મી સીઝન માટે તેને મુંબઈની સ્ક્વૉડમાં સ્થાન મળ્યું છે. હાલમાં જ શિસ્તભંગ અને ખરાબ ફિટનેસને કારણે તેને મુંબઈની રણજી ટીમમાંથી બહાર કરવામાં આવ્યો હતો. ઑક્ટોબર ૨૦૧૮માં ઇન્ટરનૅશનલ ડેબ્યુ કરનાર પૃથ્વી શૉ જુલાઈ ૨૦૨૧ બાદ ભારતીય ટીમમાં પણ જગ્યા મેળવી શક્યો નથી. દિલ્હીની ફ્રૅન્ચાઇઝીએ રીટેન ન કરતાં IPL 2025ના મેગા ઑક્શનમાં તેણે ૭૫ લાખની બેઝ-પ્રાઇસ સાથે નામ નોંધાવ્યું છે.