ઇંગ્લૅન્ડ સામેની સિરીઝ પહેલાં પાકિસ્તાન ક્રિકેટ બોર્ડે બદલ્યું વેન્યુ

કરાચીનું નૅશનલ બૅન્ક સ્ટેડિયમ ICC ચૅમ્પિયન્સ ટ્રોફી 2025 માટે તૈયાર થઈ રહ્યું હોવાથી ત્યાં ટેસ્ટ રમવી શક્ય નથી

ફાઇલ તસવીર

ઇંગ્લૅન્ડની ક્રિકેટ ટીમ સાતથી ૨૮ ઑક્ટોબર દરમ્યાન પાકિસ્તાનની ધરતી પર ત્રણ મૅચની ટેસ્ટ-સિરીઝ રમવાની છે. આ ટેસ્ટ-સિરીઝ પહેલાં પાકિસ્તાન ક્રિકેટ બોર્ડે બીજી ટેસ્ટ-મૅચનું વેન્યુ બદલ્યું છે. કરાચીનું નૅશનલ બૅન્ક સ્ટેડિયમ ICC ચૅમ્પિયન્સ ટ્રોફી 2025 માટે તૈયાર થઈ રહ્યું હોવાથી ત્યાં ટેસ્ટ રમવી શક્ય નથી.

આથી પહેલી ટેસ્ટ-મૅચની જેમ બીજી ટેસ્ટ-મૅચ પણ મુલતાન ઇન્ટરનૅશનલ ક્રિકેટ સ્ટેડિયમમાં રમાશે, જ્યારે ત્રીજી ટેસ્ટ-મૅચ રાવલપિંડી ક્રિકેટ સ્ટેડિયમમાં જ રમાશે. આ ટેસ્ટ-સિરીઝ માટે બન્ને ટીમ બીજી ઑક્ટોબરે મુલતાન પહોંચશે. બંગલાદેશ સામે પહેલી વાર ટેસ્ટ-સિરીઝ હારનાર પાકિસ્તાન માટે ઇંગ્લૅન્ડના પડકારનો સામનો કરવો સરળ નહીં રહે.