13 November, 2024 08:51 AM IST | Pretoria | Gujarati Mid-day Correspondent
સૂર્યકુમાર યાદવ અને રિન્કુ સિંહ પાસે ફોટો પડાવવા કેટલાક પાકિસ્તાની ફૅન્સ પહોંચ્યા
ચૅમ્પિયન્સ ટ્રોફી 2025માં હાઇબ્રિડ મૉડલ વિશે પાકિસ્તાન અને ભારતના ક્રિકેટ બોર્ડમાં વિવાદ ચાલી રહ્યો છે. સાઉથ આફ્રિકામાં T20 સિરીઝ રમવા ગયેલા કૅપ્ટન સૂર્યકુમાર યાદવ અને રિન્કુ સિંહ પાસે ફોટો પડાવવા કેટલાક પાકિસ્તાની ફૅન્સ પહોંચ્યા હતા. એમાંથી એક ફૅને પૂછ્યું હતું કે તમે પાકિસ્તાન કેમ નથી આવી રહ્યા. તેને મુમ્બૈયા સ્ટાઇલમાં જવાબ આપતાં સૂર્યકુમાર યાદવે કહ્યું કે ‘અરે ભૈયા, હમારે હાથ મેં થોડી હૈ.’ ભારત સરકારે સુરક્ષાનાં કારણસર પાકિસ્તાનમાં ચૅમ્પિયન્સ ટ્રોફી રમવા જવા માટે મંજૂરી આપી નથી.