મુંબઈ ક્રિકેટને મળી ગઈ નવી ગુજરાતી અમ્પાયર: રાધિકા ઠક્કરે પાસ કરી એક્ઝામ

કુલ ૪૩ પરીક્ષાર્થીઓમાંથી ૧૬ જણ પાસ થયા છે અને એમાં રાધિકાનો સમાવેશ છે. 

મુંબઈ ક્રિકેટને મળી ગઈ નવી ગુજરાતી અમ્પાયર

મુંબઈ ક્રિકેટ અસોસિએશન (એમસીએ) દ્વારા તાજેતરમાં બાંદરા-કુર્લા કૉમ્પ્લેક્સ (બીકેસી)માં એમસીએ શરદ પવાર ક્રિકેટ ઍકેડેમીમાં અમ્પાયર્સ ઓરલ ઍન્ડ પ્રૅક્ટિકલ એક્ઝામિનેશન યોજવામાં આવી હતી જેનાં પરિણામો જાહેર થઈ ગયાં છે અને રાધિકા અજય ઠક્કર એમાં કુલ ૧૭૦ માર્ક સાથે પાસ થઈ છે.
કુલ ૪૩ પરીક્ષાર્થીઓમાંથી ૧૬ જણ પાસ થયા છે અને એમાં રાધિકાનો સમાવેશ છે. 
પરીક્ષા પાસ કરનાર અન્ય મહિલાઓમાં ભાગ્યલક્ષ્મી ઐયર, મનશ્રી ગવંડે અને પ્રણાલી રેડેકર સામેલ છે. પાસ થયેલા તમામ ૧૬ જણમાં વેંકટેશ ક્રિશને સૌથી વધુ ૧૮૫ માર્ક મેળવ્યા હતા.