અનિલ કુંબલે અને ઇશાન્ત શર્માને પાછળ છોડ્યા જસપ્રીત બુમરાહે

મેલબર્ન મેદાન પર અનિલ કુંબલે (૧૫ વિકેટ)ને પછાડીને બુમરાહ સૌથી વધુ ૧૮ ટેસ્ટ-વિકેટ લેનાર ભારતીય બોલર બની ગયો છે

જસપ્રીત બુમરાહ

મેલબર્ન ટેસ્ટના પહેલા દિવસે ૨૧ ઓવરમાં ૭૫ રન આપીને ભારતીય ફાસ્ટ બોલર જસપ્રીત બુમરાહે ત્રણ વિકેટ ઝડપી હતી. આ ત્રણ વિકેટ ઝડપીને બુમરાહે બે અલગ-અલગ રેકૉર્ડ લિસ્ટમાં ભૂતપૂર્વ ભારતીય સ્પિનર અનિલ કુંબલે અને ફાસ્ટ બોલર ઇશાન્ત શર્માને પાછળ છોડ્યા છે.

મેલબર્ન મેદાન પર અનિલ કુંબલે (૧૫ વિકેટ)ને પછાડીને બુમરાહ સૌથી વધુ ૧૮ ટેસ્ટ-વિકેટ લેનાર ભારતીય બોલર બની ગયો છે, જ્યારે ભારત માટે સૌથી વધુ ઇન્ટરનૅશનલ વિકેટ લેનાર ફાસ્ટ બોલર્સના લિસ્ટમાં તેણે ઇશાન્ત શર્મા (૪૩૪ વિકેટ)ને પાછળ છોડી ટૉપ-ફાઇવમાં એન્ટ્રી મારી છે. ઓવરઑલ ભારતીય બોલર્સના લિસ્ટમાં તેણે ટૉપ-ટેનમાં ઇશાન્ત શર્માને દસમા ક્રમે ધકેલીને નવમું સ્થાન મેળવ્યું છે. 

ભારત માટે સૌથી વધુ વિકેટ લેનાર ફાસ્ટ બોલર
કપિલ દેવ	૬૮૭
ઝહીર ખાન	૫૯૭
જવાગલ શ્રીનાથ	૫૫૧
મોહમ્મદ શમી	૪૪૮
જસપ્રીત બુમરાહ	૪૩૫
ઇશાન્ત શર્મા	૪૩૪