ટેસ્ટ ક્રિકેટના ઇતિહાસમાં પહેલી વાર જીત્યું આયરલૅન્ડ

ત્રીજા દિવસે આયરલૅન્ડને જીતવા માટે ૧૧ રનનો ટાર્ગેટ મળ્યો હતો

પ્રતીકાત્મક તસવીર

૨૦૧૮માં ટેસ્ટ ટીમ તરીકેની માન્યતા પ્રાપ્ત કર્યા બાદ આયરલૅન્ડની ટીમે પહેલી જીત મેળવી છે. અફઘાનિસ્તાન સામે એકમાત્ર ટેસ્ટમાં ૬ વિકેટે જીત મેળવીને આયરિશ ટીમે પહેલી વાર જીતનો સ્વાદ ચાખ્યો છે. ત્રીજા દિવસે આયરલૅન્ડને જીતવા માટે ૧૧ રનનો ટાર્ગેટ મળ્યો હતો, જેને ટીમે ૪ વિકેટના ભોગે ચેઝ કરી લીધો હતો. કુલ ૮ વિકેટ લઈને આયરલૅન્ડનો ઑલરાઉન્ડર માર્ક ઍડેર પ્લેયર ઑફ ધ મૅચ બન્યો હતો.

૨૦૧૮થી અત્યાર સુધી આયરલૅન્ડે પાકિસ્તાન, અફઘાનિસ્તાન, ઇંગ્લૅન્ડ, બંગલાદેશ અને શ્રીલંકા સામે ટેસ્ટમાં હારનો સામનો કરવો પડ્યો હતો. ૭ માર્ચથી બન્ને ટીમ વચ્ચે ત્રણ મૅચની વન-ડે સિરીઝ અને ૧૫ માર્ચથી ત્રણ મૅચની ટી૨૦ સિરીઝ શરૂ થશે.