28 April, 2023 12:02 PM IST | Mumbai | Gujarati Mid-day Correspondent
વિરાટ કોહલી
કોહલી પરાજય બાદ ખૂબ નિરાશ હતો. તેણે કહ્યું કે ‘ખરું કહું તો અમે કેકેઆરને વિજય તાસક પર ધરી દીધો હતો. બીજી રીતે કહું તો અમે કેકેઆરના પ્લેયર્સને છૂટા હાથે લહાણી કરી હતી. અમે હારવાને લાયક જ હતા. અમે અમારા ધોરણ જેવું રમ્યા જ નહીં. એક તો અમે અમને મળેલી તકનો ફાયદો ન લીધો અને એક પછી એક કૅચ છોડ્યા, જેને કારણે કેકેઆરની ટીમ વધુ ૨૫-૩૦ રન બનાવી શકી. અમારા બૅટર્સ લૂઝ ડિલિવરીનો લાભ ન લઈ શક્યા, જેને કારણે વહેલી વિકેટ ગુમાવી બેઠા. એક સારી પાર્ટનરશિપ પણ બની હોત તો જીત આરસીબીની હોત.’
બીસીસીઆઇના પ્રમુખની પુત્રવધૂ ‘રેડી ફૉર ધ શો’
બૅન્ગલોરમાં બુધવારે આરસીબી-કેકેઆરની મૅચ વખતે ઍન્કરિંગ માટેની તૈયારી દરમ્યાન મયન્તી લૅન્ગર. તે ક્રિકેટર સ્ટુઅર્ટ બિન્નીની પત્ની અને બીસીસીઆઇના પ્રમુખ રૉજર બિન્નીની પુત્રવધૂ છે. ભારતીય લશ્કરના સંજીવ લૅન્ગરની પુત્રી મયન્તી અને સ્ટુઅર્ટે ૨૦૧૨માં લગ્ન કર્યાં હતાં. સપ્ટેમ્બર, ૨૦૨૦માં મયન્તીએ પ્રથમ બાળકને જન્મ આપ્યો હતો. તસવીર iplt20.com