30 May, 2023 11:25 AM IST | Ahmedabad | Gujarati Mid-day Online Correspondent
તસવીર સૌજન્ય: મુફ્ફેદલ વોરા ટ્વિટર
ઈન્ડિયન પ્રીમિયર લીગ (IPL)2023નો મુકાબલો આના કરતા વધારે રોમાંચિત ન હોત... ચેન્નઈ સુપરકિંગ્સ(CSK)ને જીતવા માટે છેલ્લા બે બૉલ પર 10 રનની જરૂર હતી અને રવિન્દ્ર જાડેજાએ (Ravindra Jadeja)એ એક છક્કો અને ચોગો મારીને CSKને પાંચમી વાર આઈપીલની વિનર બનાવી દીધી. મહેન્દ્ર સિંહ ધોની (Mahendra Singh Dhoni)ની કેપ્ટનશીપ હેઠળ CSKની IPLમાં આ પાંચમી સિદ્ધિ છે. આ અદ્ભૂત સિદ્ધિ હાંસિલ કર્યા બાદ કેપ્ટનના હરખનો પાર નહોતો. તેમણે જે રીતે જીતની ખુશી વ્યક્ત કરી છે એ તમે ક્યારેય નહીં જોઈ હોય. ડગઆઉટમાં ધોનીએ જે રીતે જાડેજાને ખુશીથી તેડી લીધો એ ઘડી જોઈને લાગે છે કે ધોની માટે એ ટ્રોફી જીતવી કેટલી મહત્વની હતી. ધોનીને આટલા હરખમાં જોવો ફેન્સ માટે પણ ખુબ જ ખુશીની વાત છે.
ઈન્ડિયન પ્રીમિયર લીગનો એક વીડિયો વાયરલ થયો છે, જેમાં મહેનદ્ર સિંહ ધોનીની જે ખુશી દેખાઈ રહી છે એવો આનંદ તમે ક્યારેય નહીં જોયો હોય. રવિન્દ્ર જાડેજાએ છેલ્લી ક્ષણે જે ચોગ્ગો લગાવ્યો કે તરત જ તે ડગઆફટ તરફ દોડ્યો. ધોની જાડેજાને મળ્યો અને તરત જ તેને તેડી લીધો હતો. ધોનીનું આ રીતે જાડેજાને તેડવું ઘણી રીતે ખાસ છે. છેલ્લી સીઝનમાં જાડેજા અને સીએસકે વચ્ચે અણબનાવ થયો હતો. અને ત્યાર બાદ ખેલાડી આ ફ્રેંચાઈઝી ટીમનો સાથ પણ છોડવાના હતા, પરંતુ ધોનીએ આવું ન થવા દીધું.
આ પણ વાંચો: IPL GT vs CSK :જાડેજાના છેલ્લા બોલ પર ચોગ્ગાએ CSKને 5મી વખત ચેમ્પિયન બનાવ્યું
આ સીઝન દરમિયાન દરમિયાન પણ કેટલીક એવી વાતો સામે આવી હતી કે જાડેજા ખુશ નથી. એક મેચ બાદ જાડેજા અને ધોનીનો એક વીડિયો સામે આવ્યો હતો જેમાં બંને વચ્ચે કંઈક ગંભીર વાત ચાલતી જોવા મળી હતી. આ તમામ સ્થિતિઓ વચ્ચે ધોનીનું જાડેજાને આ રીતે તેડવું અને ટ્રોફી લેવા જતી વખતે તેને સાથે લઈ જવો સુચવે કે બંને વચ્ચે બધુ બરાબર ચાલી રહ્યું છે.