કૅપ્ટન હાર્દિક પંડ્યા અને મુંબઈ ઇન્ડિયન્સ સામે સાવ તળિયેથી ઉપર ઊઠવાનો પડકાર છે

છેલ્લે ૨૦૨૦માં પાંચમી વાર ચૅમ્પિયન બન્યું હતું મુંબઈ, પાંચ પ્લેયર્સ પાસે ૧૦૦થી પણ વધુ મૅચ રમવાનો અનુભવ, જ્યારે આઠ પ્લેયર્સને IPLમાં ડેબ્યુની છે આશા

રોહિત શર્મા આ ટીમનો સૌથી વધુ IPL મૅચ રમનાર અને સૌથી ઓલ્ડેસ્ટ પ્લેયર છે.

પાંચ વારની ચૅમ્પિયન ટીમ મુંબઈ ઇન્ડિયન્સે (MI) આ વર્ષે પણ હાર્દિક પંડ્યા પર વિશ્વાસ રાખીને તેને કૅપ્ટન તરીકે જાળવી રાખ્યો છે. છેલ્લે ૨૦૨૦ની સીઝનમાં ચૅમ્પિયન બનનાર અને ગયા વર્ષે દસમા ક્રમે રહેલી આ ટીમે ટુર્નામેન્ટમાં પોતાનો દબદબો જાળવી રાખવા માટે શાનદાર કમબૅક કરવું પડશે. ICC ટુર્નામેન્ટમાં શાનદાર પ્રદર્શન કરનાર ઑલરાઉન્ડર હાર્દિક પંડ્યા માટે પણ આ સીઝન મહત્ત્વપૂર્ણ રહેશે. ગુજરાત ટાઇટન્સ (GT)ને પહેલી જ સીઝનમાં ચૅમ્પિયન બનાવનાર હાર્દિક પંડ્યા પાસે આ સીઝનમાં પોતાને ફરી સફળ કૅપ્ટન તરીકેની ઓળખ આપવાની તક રહેશે.

આ ફ્રૅન્ચાઇઝી પાસે રોહિત શર્મા, સૂર્યકુમાર યાદવ, તિલક વર્મા જેવા સ્ટાર બૅટર્સ છે. આ ટીમમાં હાર્દિક પંડ્યા, નમન ધીર, કોર્બિન બૉશ જેવા ઑલરાઉન્ડર પણ છે. સ્પિનર્સ તરીકે મિચલ સૅન્ટનર, કર્ણ શર્મા જેવા ઓછા વિકલ્પો છે. જો ઇન્જર્ડ ફાસ્ટ બોલર જસપ્રીત બુમરાહ આ સીઝનમાં નહીં રમી શકે તો ટ્રેન્ટ બોલ્ટ, દીપક ચહર અને રીસ ટોપલી જેવા ફાસ્ટ બોલર ટીમની બાજી સંભાળવા માટે સક્ષમ છે.

ભૂતપૂર્વ કૅપ્ટન રોહિત શર્મા આ ટીમનો સૌથી વધુ IPL મૅચ રમનાર અને સૌથી ઓલ્ડેસ્ટ પ્લેયર છે, જ્યારે ઑલરાઉન્ડર રાજ બાવા ટીમનો યંગેસ્ટ પ્લેયર છે. આ ટીમમાં પાંચ પ્લેયર્સ ૧૦૦થી વધુ મૅચ રમવાનો અનુભવ ધરાવે છે, જ્યારે કોર્બિન બૉશ સહિતના આઠ પ્લેયર્સ હજી સુધી આ ટુર્નામેન્ટમાં એક પણ મૅચ રમ્યા નથી. આ ટીમમાં પણ ૧૦ પ્લેયર્સ ૩૦ પ્લસની ઉંમર ધરાવે છે. મુંબઈએ ૧૧૯.૮૦ કરોડ રૂપિયા ખર્ચીને ૨૩ સભ્યોની આ સ્ક્વૉડ તૈયાર કરી છે.

મુંબઈનો કોચિંગ સ્ટાફ 
કોચ : માહેલા જયવર્દને
બૅટિંગ કોચ : કાઇરન પોલાર્ડ
બોલિંગ કોચ : લસિથ મલિંગા અને પારસ મહામ્બ્રે
ક્રિકેટ ડિરેક્ટર : રાહુલ સંઘવી

મુંબઈનો IPL રેકૉર્ડ
કુલ મૅચ	૨૬૧
જીત	૧૪૨
હાર	૧૧૫
ટાઇ	૦૪
નો-રિઝલ્ટ	૦૦
જીતની ટકાવારી	૫૪.૪૦

 

પ્લેયર્સની ઉંમર અને IPL અનુભવ

રોહિત શર્મા (૩૭ વર્ષ) - ૨૫૭ મૅચ

સૂર્યકુમાર યાદવ (૩૪ વર્ષ) - ૧૫૦ મૅચ

હાર્દિક પંડ્યા (૩૧ વર્ષ) - ૧૩૭ મૅચ

જસપ્રીત બુમરાહ (૩૧ વર્ષ) - ૧૩૩ મૅચ

ટ્રેન્ટ બોલ્ટ (૩૫ વર્ષ) - ૧૦૪ મૅચ

કર્ણ શર્મા (૩૭ વર્ષ) - ૮૪ મૅચ

દીપક ચહર (૩૨ વર્ષ) - ૮૧ મૅચ

તિલક વર્મા (૨૨ વર્ષ) - ૩૮ મૅચ

મુજીબ ઉર રહેમાન (૨૩ વર્ષ) - ૧૯ મૅચ

મિચલ સૅન્ટનર (૩૩ વર્ષ) - ૧૮ મૅચ

વિલ જેક્સ (૨૬ વર્ષ) - ૦૮ મૅચ

નમન ધીર (૨૫ વર્ષ) - ૦૭ મૅચ

અર્જુન તેન્ડુલકર (૨૫ વર્ષ) - ૦૫ મૅચ

રીસ ટોપલી (૩૧ વર્ષ) - ૦૫ મૅચ

રાજ બાવા (૨૨ વર્ષ) - ૦૨ મૅચ

રૉબિન મિન્ઝ (૨૨ વર્ષ) - ૦૦

રાયન રિકેલ્ટન (૨૮ વર્ષસ) - ૦૦

અશ્વની કુમાર (૨૩ વર્ષ) - ૦૦

કૃષ્ણન શ્રીજીત (૨૮ વર્ષસ) - ૦૦

સત્યનારાયણ રાજુ (૨૫ વર્ષ) - ૦૦

બેવોન જેકબ્સ (૨૨ વર્ષ) - ૦૦

કોર્બિન બૉશ (૩૦ વર્ષ) - ૦૦

વિજ્ઞેશ પુથુર (૨૪ વર્ષ) - ૦૦

 

IPL 2008થી 2024 સુધી પૉઇન્ટ્સ ટેબલમાં ટીમનું સ્થાન

૨૦૦૮ - પાંચમું

૨૦૦૯ - સાતમું

૨૦૧૦ – રનર-અપ

૨૦૧૧ - ત્રીજું

૨૦૧૨ - ત્રીજું

૨૦૧૩ - ચૅમ્પિયન

૨૦૧૪ - ચોથું

૨૦૧૫ - ચૅમ્પિયન

૨૦૧૬ - પાંચમું

૨૦૧૭ -  ચૅમ્પિયન

૨૦૧૮ - પાંચમું

૨૦૧૯ - ચૅમ્પિયન

૨૦૨૦ - ચૅમ્પિયન

૨૦૨૧ - પાંચમું

૨૦૨૨ - દસમું

૨૦૨૩ - ચોથું

૨૦૨૪ - દસમું

10
મુંબઈ ઇન્ડિયન્સની સ્ક્વૉડના આટલા પ્લેયર્સ ૩૦થી વધુની ઉંમરના છે.