૧૯૮૩ના વર્લ્ડ કપ વિજયની ઉજવણી કરી ભારતીય દિગ્ગજોએ વેસ્ટ ઇન્ડીઝમાં

જીતની ૪૧મી વર્ષગાંઠ પર કેક-કટિંગ કરીને સેલિબ્રેશન કર્યું હતું

૧૯૮૩ની પચીસમી જૂને ક્રિકેટ જગતમાં પહેલી વખત ભારતીય ટીમ વર્લ્ડ ચૅમ્પિયન બની હતી. કપિલ દેવની કૅપ્ટન્સી હેઠળની આ જીતે ભારતીય ટીમને ક્રિકેટજગતમાં એક નવી શક્તિ તરીકે સ્થાપિત કરી હતી. T20 વર્લ્ડ કપની સેમી ફાઇનલ પહેલાં પચીસમી જૂને વેસ્ટ ઇન્ડીઝમાં ચૅમ્પિયન ટીમના ખેલાડીઓએ આ જીતની ૪૧મી વર્ષગાંઠ પર કેક-કટિંગ કરીને સેલિબ્રેશન કર્યું હતું.

રવિ શાસ્ત્રીએ આ સેલિબ્રેશનના ફોટો શૅર કર્યા હતા જેમાં ભારતીય ક્રિકેટ બોર્ડના વર્તમાન પ્રેસિડન્ટ રૉજર બિન્ની, સુનીલ ગાવસકર અને ભારતીય વિકેટકીપર-બૅટ્સમૅન રિષભ પંત સાથે કેક કાપતા જોવા મળ્યા હતા. ચીફ સિલેક્ટર અજિત આગરકર અને ફાસ્ટ બોલર મોહમ્મદ સિરાજ પણ સેલિબ્રેશનમાં સાથે જોવા મળ્યા હતા.